Darren Moore hefur verið ráðinn knattspyrnustjóri West Bromwich Albion á Englandi. Þetta var staðfest í dag.
Moore tók við liði West Brom tímabundið undir lok tímabilsins og reyndi sitt til að bjarga liðinu frá falli.
West Brom gekk virkilega vel undir stjórn Moore en það dugði þó ekki til og féll liðið niður um deild.
Moore er fyrrum leikmaður liðsins en hann spilaði 104 deildarleiki í vörninni á sínum tíma.
Hann fær nú það verðuga verkefni að reyna að koma liðinu aftur í deild þeirra bestu.
