„Við spiluðum vel hérna í dag fannst mér. Þetta eru vissulega mjög einföld mörk sem við fáum á okkur en heilt yfir þá er ég sáttur,“ sagði Kristján Guðmundsson, þjálfari ÍBV eftir 1-2 tap liðsins gegn Val í Meistarakeppni KSÍ í kvöld.

Það voru þeir Patrick Pedersen og Bjarni Ólafur Eiríksson sem skoruðu mörk Valsmanna í dag en Kaj Leo í Bartalsstovu minnkaði muninn fyrir Eyjamenn í stöðunni 0-2.

„Það má ekki sitja alveg til baka gegn þessu liði. Við reyndum að þrýsta á þá en mér fannst þetta líta vel á okkur að setja hratt á þá. Þetta er gríðarlega sterkt lið sem við vorum að spila á móti og þetta opnaðist aðeins undir restina þegar að við þurfum að skora.“

„Við vorum óheppnir að skora ekki undir lok leiksins. Við fengum fína sénsa undir lokin og það getur verið blóðugt að nýta ekki þessi færi. Þetta var góður leikur fyrir okkur til þess að fara með inn í sumarið,“ sagði þjálfarinn meðal annars.

Viðtalið í heild sinni má sjá hér fyrir neðan.

[youtube https://www.youtube.com/watch?v=owYnJJcC4KQ&w=560&h=315]