Jose Mourinho stjóri Manchester United krefst þess að Paul Pogba fari að vera stöðugri í sínum leik.
Pogba hefur átt misjafna kafla á tímabilinu en hann skoraði tvö mörk í sigri á Manchester City í síðasta leik.
United mætir West Brom á heimavelli í dag og þar vill Mourinho sjá stöðuleika í frammistöðu hans.
,,Ég sagði honum eftir City leikinn að ég ætti ekki von á því að hann væri besti maður vallarins eða skoraði tvö mörk í hverjum leik, ég sagði honum að ég vildi stöðuleika,“ sagði Mourinho.
,,Það er áskorun sem hann þarf að setja á sjálfan sig, að halda sér í ákveðnum gæðaflokki. Ekki eiga góðan leik, svo ágætis leik og svo slæman leik. Hann verður að vera stöðugri og gera hluti eins og hann gerði gegn City.“