Philippe Coutinho spilaði sinn fyrsta leik fyrir Barcelona í gær þegar liðið vann 2-0 sigur á Espanyol.

Coutinho kom inná sem varamaður fyrir Andres Iniesta á 68. mínútu en þetta var hans fyrsti leikur fyrir Börsunga síðan hann kom til félagsins frá Liverpool.

Barcelona borgaði 142 milljónir punda fyrir hann en Coutinho stóð sig vel í sínum fyrsta leik og voru stuðningsmenn liðsins ánægðir með hann.

„Ég er var aðeins stressaður áður en ég kom inná en stuðningsmennirnir tóku gríðarlega vel á móti mér og það róaði mig niður,“ sagði Coutinho.

„Þetta var sérstakt kvöld fyrir mig en það sem mestu máli skiptir er að við náðum í úrslit og erum komnir áfram í undanúrslitin.“

„Ég er ánægður með mína frammistöðu og mér fannst ég komast vel frá mínu,“ sagði hann að lokum.