Gary Rough hugðist ræna veðmangara í Glasgow. „Vopnaður“ agúrku sem sett var í svartan sokk sneri hann sér að afgreiðslustúlku Ladbrokes og krafðist fjárins, en stúlkan, merkilegt nokk, varð ekki við kröfum Garys.
Þetta varð ekki ferð til fjár hjá þessum lánlausa ræningja því aðvífandi lögregluþjónn á frívakt sneri hann niður á staðnum og handtók hann.
Gary fullyrti að um grín hefði verið að ræða og sagði: „Fer ég í grjótið fyrir þetta?“
Þetta reyndist dýrt „spaug“ því Gary fékk fangelsisdóm fyrir vikið árið 2014.