„Mér brá rosalega þegar ég sá þetta“
Þegar sölumaðurinn Matthew Peache lagðist til svefns kvöld eitt fyrir skemmstu var hann ósköp venjulegur Ástrali með meðalgóðar tekjur og innistæðu á bankareikninginum eftir því. Þegar hann vaknaði daginn eftir var honum litið á heimabankann sinn. Þá kom í ljós að hann var orðinn 11 milljörðum króna ríkari.
Þegar hann opnaði netbankann sinn í nóvember síðastliðnum hafði innistæða bankareikningsins hækkað í rúmar 123 milljónir ástralska dollara, eða 123.456.789 dala, til að gæta nákvæmni.
„Netbankinn bauð mér uppá að millifæra peninginn inn á annan reikning, svo ég hefði getað millifært peninginn,“ sagði Matthew í samtali við 9 News í Ástralíu.
„Mér brá rosalega þegar ég sá þetta. Ég hélt að peningurinn hafði farið inná reikninginn minn fyrir mistök,“ sagði hann einnig.
Hann tók skjáskot af upphæðinni á bankareikningnum, sem hann taldi vera eitthvað rugl, enda fræg talnaruna. Tveimur vikum síðar ákvað Matthew að hafa samband við bankann til að athiga hvers vegna peningurinn hafi komið inn á reikninginn hjá honum. Bankinn sagði að stundum gætu bilanir af þessu tagi birst í kerfi þeirra.
Nú segir hann bankareikninginn vera kominn aftur í eðlilegt horf, en hann ákvað að segja frá sögu sinni vegna þess að ung kona var handtekin á dögunum í Sydney fyrir að hafa eytt 4,6 milljónum ástralskra dollara, sem eru um 413 milljónir íslenskra króna. Hún var handtekin fyrir skemmstu, þegar hún var á leið til Malasíu. DV fjallaði um mál hennar fyrir skemmstu.