Höfðakaffi stendur fyrir sínu
Höfðakaffi hefur til fjölda ára boðið upp á staðgóðan og næringarríkan heimilismat í hádeginu. Í hverri viku er birtur nýr matseðill á vefsíðu Höfðakaffis og á hverjum degi er hægt velja á milli súpu í forrétt og kjöt- eða fiskréttar í aðalrétt. „Við erum ýmist að senda mat í bökkum til viðskiptavina og svo erum við með matstofu hér á staðnum,“ segir Ragnar Sverrisson, annar eigenda Höfðakaffis. Bakkamat með súpu og aðalrétti er hægt panta í síma 587-6075 á milli kl. 8.15–10.15.
Girnilegur matseðill
„Auk aðalréttanna tveggja erum við með fimm fasta sérrétti sem eru alltaf á matseðlinum og við sendum í bökkum. Í matsalnum er þá boðið upp á einn rétt til viðbótar sem við veljum hvern dag. Sérréttaseðillinn hljómar þá svona: Grillað kjúklingalæri með meðlæti, grænmetisbakki með pasta, BBQ hamborgari, samloka eða pítsa og svo djúpsteiktur fiskur með öllu tilheyrandi. Að auki sjáum við um mötuneyti fyrir fyrirtæki. Um er að ræða svokallaðan kantínumat, þar sem skammtað er á staðnum,“ segir Ragnar.
Staður með skemmtilega sögu
Starfsemi Höfðakaffis byggist aðallega á því að selja hádegismat og þjónusta önnur fyrirtæki með hádegismat. Því er eingöngu opið í hádeginu. Höfðakaffi var upphaflega stofnað árið 1978 af Sigursæli Magnússyni, en hann er betur þekktur sem Sæli í Sælakaffi. Þá var Ártún í sama húsi, en Ártún var eitt sinn vinsæll skemmtistaður þar sem dansaðir voru gömlu dansarnir. Ragnar og Oddný Guðnadóttir keyptu Höfðakaffi árið 1990 og hafa rekið staðinn síðan. „Eftir að við tókum við hefur starfsemin bókstaflega farið á flug. Við byrjuðum á að afgreiða um hundrað matarpantanir á dag og erum nú komin með upp undir átta hundruð á dag,“ segir Ragnar.
Skatan á föstudeginum
Að lokum vildi Ragnar koma því á framfæri að Þorláksmessuskana verð núna á föstudeginum 21 þar sem það er lokað hjá þeim um helgina.
„Svo að það er eins gott að vera vakandi yfir því sagði hann að lokum“
Höfðakaffi er staðsett að Vagnhöfða 11, 110 Reykjavík
Opið er í veitingasalnum kl: 11.30–13.30
Sími: 587-6075
Email: hofdakaffi@internet.is
Nánari upplýsingar má nálgast á vefsíðu Höfðakaffis