Með og á móti: Stytting vinnutíma

Ritstjórn DV
Sunnudaginn 22. apríl 2018 17:00

Með

Guðmundur D. Haraldsson, stjórnarmaður í Öldu, félagi um sjálfbærni og lýðræði

Það á að stytta vinnutíma til að vinnandi fólk á Íslandi geti átt meiri tíma með fjölskyldu og vinum, en líka svo fólk geti átt sín áhugamál og tómstundir. Samkvæmt athugunum Efnahags- og framfarastofnunarinnar (OECD) eru tækifæri fólks á Íslandi til að njóta frístunda og hugsa um sjálft sig með því minnsta sem gerist í aðildarríkjum stofnunarinnar: Var Ísland í 34. sæti af 38 mögulegum, en Noregur, Svíþjóð, Danmörk og Finnland voru öll í fyrstu tíu sætunum. Stytting vinnuvikunnar myndi bæta úr, því með styttingunni fengi fólk meiri tíma frá vinnu. Tilraunir Reykjavíkurborgar og ríkisins sýna að slík stytting er möguleg, enda gefist vel.

 

Á móti

Hannes G. Sigurðsson, aðstoðarframkvæmdastjóri Samtaka atvinnulífsins

Hugmyndir og tillögur um styttingu vinnutíma á Íslandi markast af röngum upplýsingum og þar af leiðandi röngum ályktunum. Það er hvimleið og síendurtekin villa að tala um að á Íslandi sé 40 stunda vinnuvika. Í raun er hún 37 stundir að hámarki þegar tekið er mið af kaffitímum og hjá mörgum hópum er hún styttri. SA eru mjög fylgjandi ýmsum tilraunaverkefnum um styttingu vinnuvikunnar en er andvígt því að stytta dagvinnuviku allra með einu pennastriki. Ef það gerist mun launakostnaður hækka um 25%. Umsaminn ársvinnutími á Íslandi er hvergi styttri í Evrópu að Frakklandi undanskildu, einkum vegna margra sérstakra frídaga og langs orlofs. Það er ekkert tilefni til þess að stytta hann frekar. Hins vegar felast mikil tækifæri í því að draga verulega úr séríslenskri yfirvinnu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Barði orðinn að styttu
Pressan
Fyrir 10 klukkutímum

Martröð lagerstarfsmannsins – Svakalegt myndband

Martröð lagerstarfsmannsins – Svakalegt myndband
433
Fyrir 11 klukkutímum

Sjáðu sárþjáðan Kylian Mbappe: Annað áfall PSG í kvöld

Sjáðu sárþjáðan Kylian Mbappe: Annað áfall PSG í kvöld
Fókus
Fyrir 13 klukkutímum

Gestir ráku upp stór augu þegar þeir sáu ísbirnina frá þessu sjónarhorni

Gestir ráku upp stór augu þegar þeir sáu ísbirnina frá þessu sjónarhorni
Eyjan
Fyrir 13 klukkutímum

Kostnaður Alþingis vegna fullveldisdagsins mun minni en Þingvallafundarins

Kostnaður Alþingis vegna fullveldisdagsins mun minni en Þingvallafundarins