Ellefu hafa sótt um embætti forstjóra Sjúkratrygginga Íslands. Skipað er í embættið til fimm ára í senn.
Steingrímur Ari Arason, fráfarandi forstjóri, hefur gagnrýnt ráðherra harðlega fyrir að loka samningi SÍ við lækna. Hann er því ekki tryggur ferðafélagi Svandísar Svavarsdóttur heilbrigðisráðherra í leiðangri hennar að loka á einkarekna heilbrigðisþjónustu.
Þegar litið er yfir listann yfir umsækjendur má sjá þar glitta í nöfn Hrannars Björns Arnarssonar, fyrrverandi aðstoðarmanns Jóhönnu Sigurðardóttur og Sigurbjargar Sigurgeirsdóttur stjórnsýslufræðings. Bæði yrðu meira en til í að verða handbendi ráðherra í slíkum leiðangri.
