Ljósmyndari segir að fulltrúar samskiptarisans Facebook hafi sakað sig um að rjúfa friðhelgi stofnandans Mark Zuckerberg með því að taka myndir af honum hreinsa upp skít eftir hundinn sinn, telur ljósmyndarinn að það sé vægast sagt kaldhæðnislegt af stofnanda Facebook að vera svo umhugað um friðhelgi síns einkalífs á meðan friðhelgi einkalífs annarra sé hans helsta tekjulind.
Ljósmyndarinn Nick Stern var að taka myndir af Zuckerberg úti á götu í Palo Alto í Kaliforníu í apríl 2011 þegar að öryggisverðir á vegum Facebook komu til hans og báðu hann um að koma með sér í höfuðstöðvar fyrirtækisins. Þar var honum tjáð að hann væri að brjóta á friðhelgi Zuckerbergs og að hann ætti að hætta að taka myndir af honum.
Stern þagði yfir þessu en steig fram í viðtali við breska dagblaðið Daily Mail í kjölfarið á umfjöllun um Cambridge Analytica. Stern segir að fundurinn í höfuðstöðvum Facebook hafi verið til að ógna sér:
„Ég braut aldrei á hans friðhelgi, ég tók bara myndir af honum að labba með hundinn sinn á almannafæri.“