Claws: nagladekur og glæpir (TNT) Desna Simms, leikin af Niecy Nash, er eigandi handsnyrtistofu í Florida. Á yfirborðinu virðist hún verndarengil þeirra undirmálskvenna sem vinna hjá henni, auk þess að sjá um eldri þrosaheftan bróður sinn. En konurnar eru allar á einn eða annan hátt flæktar í peningaþvætti og morð og losna ekki við drauga fortíðarinnar. Skemmtilegir dramaþættir og önnur sería hefur verið ákveðin.

The Bold Type: Lífið í glanstímaritaheiminum(Freeform) Þættirnir eru byggðir á ævi Joanna Coles, fyrrum ritstjóra Cosmopolitan, sem í dag er yfirefnisstjóri allra blaða Hearts blaðasamsteypunnar. Þættirnir fjalla um ástir, vináttu og daglegt líf þriggja kvenna sem starfa á skrifstofu alþjóðlegs kvennatímarits.Skemmtilegir þættir byggðir á lífi og reynslu konu sem ávallt hefur gegnt ábyrgðarstöðu í tímaritabransanum og er jafnframt einn framleiðanda þáttanna.

Prime Suspect 1973: Tvöfalt mótmæli, í starfi og heima fyrir (ITV) Forsaga bresku þáttana, sem fjalla um Jane Tennison, yfirmann leynilögreglunnar, leikin af Helen Mirren. Í þessari sex þáttaröð er fylgst með fyrstu dögum hennar í starfi, en Stefanie Martin leikur hina 22 ára gömlu Tennison. Hún tekst á við rannsókn morðmáls undir handleiðslu eldri og reyndari félaga sína, ásamt því að þurfa að takast á við fordóma bæði í vinnu, þar sem konur eru tiltölulega nýkomnar til starfa sem lögreglumenn, og heima fyrir, þar sem fjölskyldan er ekki sátt við starfsvalið. Ekki náðist samkomulag á milli ITV sjónvarpsstöðvarinnar og Lyndu La Plante, höfundar bókanna sem þættirnir eru byggðir á, til að gera fleiri seríur, þrátt fyrir að þessi hafi fengið mjög góðar viðtökur.

Somewhere Between: Er hægt að breyta örlögunum? (ABC) Bandarísk endurgerð kóresku þáttanna God´s Gift: 14 days. Laura Price (leikin af Paulu Patton) er fréttakona í San Fransisco sem aðstoðar lögregluna við að góma fjöldamorðingja. Eftir að dóttir hennar er drepin, hefst atburðarás þar sem Price endurlifir vikuna fyrir morðið, getur hún fundið morðingja dóttur sinnar og breytt örlögunum?

Glow: kvennaglíma og 80´s tónlist (Netflix) Þetta eru þættir sem þú vilt ekki missa af. Ruth Wilder, leikin af Alison Brie, er ein fjölmargra atvinnulausra leikara í Los Angeles, sem mætir í hverja prufuna á fætur annarri. En svarið er alltaf: nei. Þegar henni býðst að taka þátt í nýju verkefni ákveður hún að slá til og kemst að því að aðalmótherjinn er fyrrum besta vinkona hennar. Öðruvísi, áhugaverðir og skemmtilegir og þegar 80‘s tónlistin er punkturinn yfir i-ið.