Safnsýning Ragnars Kjartanssonar var nýlega opnuð í Listasafni Reykjavíkur. Sýningin ber heitið Guð hvað mér líður illa og endurspeglar óð Ragnars til listarinnar í allri sinni dýrð, til tónlistar, leikhúss, kvikmynda, bókmennta og myndlistar. Það er því af nægu að taka fyrir áhorfendur að njóta.
Ragnar Kjartansson fæddist í Reykjavík árið 1976, býr hér og starfar. Hann útskrifaðist úr Listaháskóla Íslands árið 2001 og nam við Konunglegu listaakademíuna í Stokkhólmi árið 2000. Hann hefur haldið ótalmargar einkasýningar. Ragnar fæddist inn í leikhúsfjölskyldu og notar gjarnan leikræn tilþrif og sviðsetningu í verkum sínum. Rauði þráðurinn í verkum hans er alltaf gaumgæfileg athugun á mannlegu eðli, marglaga tilfinningar, félagslegar víddir og hinir mótsagnakenndu þættir sem hversdagslíf okkar allra samanstendur af.
Hylling listamannsins birtist í völdum verkum, frá árinu 2004 til dagsins í dag; lifandi gjörningum, stórum myndbandsinnsetningum, ljósmyndum, höggmyndum, málverkum og teikningum. Hafnarhúsið verður undirlagt verkum Ragnars og innsýn veitt í hinn marglaga heim sem hann hefur skapað í áranna rás. Mörg verkanna hafa aldrei áður verið sýnd á Íslandi, sérstaklega sum nýlegri verkin sem hafa leikið lykilhlutverk í að tryggja listamanninum sess í alþjóðlega listaheiminum. Enn fremur verða sýnd athyglisverð eldri verk sem sjaldan eru til sýnis. Sýningin er eitt viðamesta verkefni sem Listasafn Reykjavíkur hefur ráðist í frá upphafi.
Fín ferna Hjónin Arna Dögg Einarsdóttir læknir og Dagur B. Eggertsson borgarstjóri, Helgi Björnsson, söngvari og leikari, og Ragnar.
Fræknar freyjur Mæðgurnar Sigurjóna Sverrisdóttir og Rannveig Guðmundsdóttir, fyrrverandi alþingismaður og ráðherra, og frú Vigdís Finnbogadóttir.
Rauðklædda mær Birna Þórðardóttir er mikill listunnandi.
Glæsilegar mæðgur Sólveig Pétursdóttir, fyrrverandi alþingismaður og ráðherra, og dóttir hennar, Emilía Sjöfn Kristinsdóttir.
Stórsöngvarinn tók lagið Kristján Jóhannesson tók lagið fyrir sýningargesti.
List er fyrir alla, unga sem eldri Katrín Jakobsdóttir, alþingismaður og fyrrverandi mennta- og menningarmálaráðherra, ásamt syni sínum.
Segið sís Fjöldi mynda var tekinn af listamanninum þennan dag.
Flottur með hatt Ármann Reynisson sem þekktur er fyrir Vinjettu-bækurnar er mikill áhugamaður um list.
Listræn hjón Hjónin Halldór Laxness Halldórsson uppistandari, best þekktur sem Dóri DNA, og Magnea Guðmundsdóttir arkitekt mættu með nýjasta fjölskyldumeðliminn Flosa.
Gestur frá Berlín Tim Renner, menningarfulltrúi Berlínar, Dagur B. Eggertsson borgarstjóri, Markús Þór Andrésson, deildarstjóri sýninga og miðlunar, og Ólöf K. Sigurðardóttir, safnstjóri Listasafns Reykjavíkur.
Skrifar um listmálara Ólafur Gunnarsson rithöfundur. Síðustu tvær skáldsögur hans fjalla um listmálara, mjög dramatískar og flottar skáldsögur.
Lífsglaðar og listrænar Arna Dögg Einarsdóttir læknir og listakonan Ingibjörg Sigurjónsdóttir, eiginkona Ragnars.
Galleríistinn Roland Augustine, sem er galleríisti Ragnars í New York, og athafnamaðurinn Sigurður Gísli Pálmason.
Fylgjast með listinni S. Björn Blöndal, ráðgjafi og kvikmyndagerðarmaður, og Svanhildur Konráðsdóttir, forstjóri Hörpu.
Tveir listrænir Friðrik Þór Friðriksson kvikmyndagerðarmaður og Ingólfur Arnarson myndlistarmaður.
Glæsileg listahjón Hjónin Sigurður Pálsson skáld og Kristín Jóhannesdóttir leikstjóri glæsileg og hress að vanda.
Bjart yfir mönnum Eiríkur Óskarsson og Páll Valsson, útgáfustjóri Bjarts.
Fjögur frækin Úlfar Þormóðsson rithöfundur, hjónin Stefán Ólafsson prófessor og Edda Andrésdóttir fréttakona og Gunnar Andrésson myndlistarkennari bróðir Eddu.