Bubbi Morthens segist á Twitter vel skilja tónlistarkonuna Sölku Sól Eyfeld, sem lýsti á samfélagsmiðlum í gær kynferðislegri áreitni sem hún varð fyrir á árshátíð Icelandair um helgina.
Bubbi, sem skemmt hefur landanum um áratugaskeið, segir að á ferli sínum hafi konur gripið um klof hans og rass. Þær hafi tilkynnt honum að þær ætli að sænga hjá honum. Þegar hann hafi hafnað hafi hann verið kallaður hommi. „Skil þig svo“ segir hann.
Salka Sól var á leið á svið á árshátíð Icelandair um helgina þegar veislugestur vatt sér að henni og kleip hana í rassinn. „Til mannsins sem kleip í rassinn á mér rétt áður en ég labbaði uppá svið á Iceland Air árshátíðinni í gær: fokk you dóni,“ skrifaði hún.
Á Ferli mínum hafa konur gripið í klof mér og rassinn sagt ég ætla ríða þér kallað mig homma þegar ég sagði nei @salkadelasol skil þig svo
— Bubbi Morthens (@BubbiMorthens) March 27, 2017
