Fókus

Menntskælingar sviknir um Boy George

Kristinn H. Guðnason
Mánudaginn 6. ágúst 2018 19:00

Nú er það nánast daglegt brauð að erlendar stórstjörnur úr heimi tónlistarinnar komi til landsins til að skemmta Íslendingum, hvort sem um er að ræða dægurstjörnur eða gamlar kempur. Árið 1998 voru íslenskir menntaskólanemar snupraðir um að sjá poppgoðið Boy George sem átti að skemmta á balli en greitt hafði verið fyrir komu hans.

Það var fimmtudaginn 19. nóvember árið 1998 sem breski popparinn Boy George átti að skemmta nemendum Menntaskólans við Sund á balli á Hótel Íslandi. Stjarna hans skein hvað skærast á níunda áratugnum þegar hann söng lög á borð við Karma Chameleon og Do You Really Want to Hurt Me með hljómsveit sinni The Culture Club. En á þessum tíma var hann orðinn sólólistamaður og hafði getið sér frægðar sem plötusnúður.

500 þúsund krónur

Það var umboðsmaðurinn Guðmundur Ingi Þórhallsson, nú formaður Afstöðu, sem ætlaði að flytja inn plötusnúðinn en hann hafði reynslu af slíku. Hann fór hins vegar í erindisleysu út á flugvöll. Í samtali við Morgunblaðið sagði hann:

„Við fórum út á flugvöll að sækja Boy George ásamt sérstökum öryggisvörðum fyrir hann en þá hafði hann ekki komið með vélinni. Við eigum eftir að kanna hvað fór úrskeiðis. Við fluttum inn 14 manna hóp í október og munum flytja inn fleiri plötusnúða fyrir áramót og það hefur aldrei neitt brugðið út af fyrr en núna.“

Samkvæmt heimildum DV var kostnaðurinn við komu Boy George um 500 þúsund krónur. Í samtali við DV sagði Guðmundur:

„Það var búið að borga þá upphæð sem kostaði að fá hann hingað en síðan gerðist ekkert.“

Funi Sigurðsson, formaður nemendaráðs MS, sagðist svekktur og ósáttur við fréttirnar en jafnframt að nemendurnir tækju þessu ekki of illa. Ákveðið var að fá aðra tónlistarmenn til að skemmta á Hótel Íslandi og fullt var út úr dyrum.

 

Kristinn H. Guðnason
Kristinn Haukur Guðnason er blaðamaður og sagnfræðingur sem starfað hefur hjá DV síðan 2017 en áður skrifaði hann fyrir Kjarnann.
Kristinn skrifar almennar fréttir, mannlífsviðtöl, um söguleg málefni og menningu.
Hann er ólæknanlegur nörd sem eyðir laugardagskvöldum í að spila við sjálfan sig og leggja höfuðborgir heimsins á minnið.

netfang: kristinn@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Hvernig er best fyrir kennara að spilla nemendum sínum?

Hvernig er best fyrir kennara að spilla nemendum sínum?
Fókus
Í gær

Elín Kára – „Sjö daga tiltekt“

Elín Kára – „Sjö daga tiltekt“
Fókus
Í gær

BLE-Rödd unga fólksins hlaut 19.2% atkvæða

BLE-Rödd unga fólksins hlaut 19.2% atkvæða
Fókus
Í gær

Sérkennilegur minjagripur – Yfir 60 ára gamall strætómiði

Sérkennilegur minjagripur – Yfir 60 ára gamall strætómiði
Fókus
Fyrir 2 dögum

JFDR hélt súkkulaðitónleika – Nýjasta platan kom út sem súkkulaðistykki

JFDR hélt súkkulaðitónleika – Nýjasta platan kom út sem súkkulaðistykki
Fókus
Fyrir 2 dögum

Jóladagatal RÚV 2018 er 22 ára gamalt: „Eru ekki allir pepp í það?“

Jóladagatal RÚV 2018 er 22 ára gamalt: „Eru ekki allir pepp í það?“