Karitas Harpa hitar upp fyrir Jessie J í Laugardalshöll: „Ekki enn búin að átta mig á að þetta sé að fara að gerast“

Kristinn H. Guðnason
Föstudaginn 1. júní 2018 14:38

Breska stórstjarnan Jessie J mun troða upp í Laugardalshöllinni miðvikudagskvöldið 6. júní næstkomandi. Jessie hefur átt fjöldan allan af poppsmellum á vinsældalistum undanfarin ár eins og til dæmis Price Tag, Masterpiece, Flashlight og fleiri sem tónleikagestir mega eiga von á að fá að heyra. Nýverið var tilkynnt að Karitas Harpa Davíðsdóttir hiti upp fyrir Jessie.

„Ég er orðinn óeðlilega spennt og er eiginlega ekki enn þá búin að átta mig á að þetta sé að fara að gerast“ segir Karitas, sem sigraði The Voice keppnina í febrúar árið 2017 og tók þátt í Söngvakeppni Sjónvarpsins með Fókushópnum í vetur.

Ertu búin að fylgjast vel með Jessie J?

„Já, ég er búin að gera það í mörg ár og hún er búin að vera ein af mínum uppáhalds söngkonum síðan 2014 eða þar um bil. Ég elska eiginlega öll lögin hennar en ég held mest upp á lagið Masterpiece. Ég hlusta alltaf á það til að koma mér í gírinn og notaði það í gegnum allt Voice ferlið.“

Hvernig verður þitt prógram?

„Ég verð með 25 mínútna slott þannig að ég syng fimm lög. Ég er að fara að flytja efni sem ég hef aldrei flutt áður, bæði frumsamið og smá cover líka en þá í mínum eigin stíl.“

Karitas Harpa gaf einmitt nýverið út lagið All the Things You Said undir nafninu KARiTAS og munu tónleikagestir fá að heyra það á miðvikudagskvöld.

Jessie J er þrítug og frá Lundúnum. Hún hóf tónlistarferilinn árið 2005 en sló í gegn fimm árum síðar með laginu Do It Like a Dude. Síðan þá hefur hún gefið út fjórar plötur í fullri lengd, sú nýjasta R.O.S.E. sem kom út fyrir rúmri viku síðan.

Allar plöturnar hennar hafa farið hátt á metsölulistum, bæði í Bretlandi og annars staðar. Meðal þekktustu laganna má nefna Price Tag, Domino og Bang Bang sem fóru öll á toppinn í Bretlandi. Tónlist hennar hefur verið lýst sem poppi með sterkum R&B og hip hop áhrifum og rætur hennar og rödd liggja í soul tónlist. Þá hefur hún einnig unnið með öðrum stórstjörnum á borð við The Black Eyed Peas, David Guetta og Ariönu Grande og samið fyrir til dæmis Justin Timberlake og Miley Cyrus.

Tónleikarnir hefjast klukkan 20:00 þann 6. júní og miðar eru seldir hjá tix.is. Hafa ber í huga að börn yngri en 12 ára verða að vera í fylgd með fullorðnum.

Kristinn H. Guðnason
Kristinn Haukur Guðnason er blaðamaður og sagnfræðingur sem starfað hefur hjá DV síðan 2017 en áður skrifaði hann fyrir Kjarnann.
Kristinn skrifar almennar fréttir, mannlífsviðtöl, um söguleg málefni og menningu.
Hann er ólæknanlegur nörd sem eyðir laugardagskvöldum í að spila við sjálfan sig og leggja höfuðborgir heimsins á minnið.

netfang: kristinn@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 klukkutímum

DV tónlist á föstudaginn : Lay Low

DV tónlist á föstudaginn : Lay Low
Eyjan
Fyrir 2 klukkutímum

Einar hugsanlega kærður – Þetta er tölvupósturinn sem gæti komið honum í klandur

Einar hugsanlega kærður – Þetta er tölvupósturinn sem gæti komið honum í klandur
Fréttir
Fyrir 3 klukkutímum

Barn beindi leisergeisla að umferð í Reykjanesbæ

Barn beindi leisergeisla að umferð í Reykjanesbæ
Fréttir
Fyrir 3 klukkutímum

Leifur Örn ætlar upp á Pumori til að ná í jarðneskar leifar Kristins og Þorsteins

Leifur Örn ætlar upp á Pumori til að ná í jarðneskar leifar Kristins og Þorsteins
Eyjan
Fyrir 3 klukkutímum

Þingflokksformaður Framsóknar deilir jörð með James Ratcliffe

Þingflokksformaður Framsóknar deilir jörð með James Ratcliffe
433
Fyrir 4 klukkutímum

Nýr þjálfari Liverpool happafengur fyrir enska landsliðið

Nýr þjálfari Liverpool happafengur fyrir enska landsliðið