Fókus

Ingvar gefur út September – „September er svalur, sýnir andlit grátt“

Ragna Gestsdóttir
Mánudaginn 10. september 2018 21:00

Ljósmynd: DV/Hanna

Gítarleikarinn og trúbadorinn Ingvar Valgeirsson hefur sent frá sér lagið September, sem er eftir Harald Davíðsson við texta Kristjáns Péturs Sigurðarsonar.

Ingvar syngur og spilar á gítar. Honum til fulltingis eru Hannes Friðbjarnarson á trommum og Stefán Örn Gunnlaugsson á hljómborð, bassa og röddum, sem einnig sér um upptökustjórn. Lagið var tekið upp í Stúdíó Bambus.

„September er gamalt lag eftir vini mína, en hefur aldrei verið gefið út áður,“ segir Ingvar. „Ég ætlaði að vera voða duglegur að kynna það um mánaðamótin, en þurfti að sinna öðrum mikilvægari verkefnum.“

Þau verkefni gætu meðal annars verið kýlin, sem Ingvar stakk á, bæði í viðtali við DV og aðgerð sem Ingvar þurfti að gangast undir vegna sýkingar, sem átti upptök sín í baki og leiddi í blóðrásina. Ingvar er þó að eigin sögn orðinn eldsprækur.

Þetta er þriðja lagið sem Ingvar gefur út, en í fyrra kom út blúslag: Blús í G# og Aldrei meir, sem kom út í maí.

September er aðgengilegt bæði á YouTube og Spotify.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Þetta hafði þjóðin að segja um Flateyjargátuna: Fara Íslendingar í rúmið hver með öðrum án þess að þekkjast?

Þetta hafði þjóðin að segja um Flateyjargátuna: Fara Íslendingar í rúmið hver með öðrum án þess að þekkjast?
Fókus
Í gær

Vikan á Instagram – „Rændur af öpum í dag, í alvöru hversu sætir?“

Vikan á Instagram – „Rændur af öpum í dag, í alvöru hversu sætir?“
Fókus
Fyrir 2 dögum

11. september á Keflavíkurflugvelli

11. september á Keflavíkurflugvelli
Fókus
Fyrir 3 dögum

Simmi ekki lengur einhleypur

Simmi ekki lengur einhleypur