fbpx
Fókus

Skakkur heima – endurgerð á Home Alone í vinnslu frá Ryan Reynolds

Tómas Valgeirsson
Fimmtudaginn 26. júlí 2018 16:56

Leikarinn Ryan Reynolds er um þessar mundir að þróa nýstárlega og vægast sagt furðulega endurgerð á jólaklassíkinni Home Alone.

Reynolds mun að öllum líkindum ekki leika í myndinni en sér um framleiðslu ásamt kvikmyndaverinu 20th Century Fox. Stendur til að gera groddaralega, ófjölskylduvæna útgáfu sem mun bera heitið Stoned Alone, en fréttavefurinn Deadline greinir meðal annars frá þessu.

Söguþráðurinn í þessari „endurgerð“ mun segja frá ónytjungi á þrítugsaldri sem hyggst fara í skíðaferð með fjölskyldunni yfir hátíðirnar. Þegar maðurinn missir af flugvélinni reynir hann að gera sem best úr ástandinu. Ákveður hann að hanga heima og reykja kannabis allan daginn.

Eftir því sem neysla mannsins eykst, má segja hið sama um ofsóknarbrjálæðið sem ástandi hans fylgir. Maðurinn telur sér trú um að óprúttnir þjófar séu að brjótast inn í húsið hans. Þá kemur í ljós að þessir þrjótar eru engin ímyndun. Gaddfreðinn og dauðhræddur ákveður þá maðurinn að verja sinn heimastað, með öllum mögulegum hætti.

Að svo stöddu eru ekki komnar neinar upplýsingar um leikaraval og liggur framleiðslan nú á frumstigi, en búist er við því að Stoned Alone verði tilbúin og frumsýnd í kringum 30 ára afmæli upprunalegu myndarinnar, eða um jólin 2020.

Tómas Valgeirsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 16 klukkutímum

Ragga nagli – „Fyrir heilbrigða grunnbrennslu er mikilvægt að geta misst fitu“

Ragga nagli – „Fyrir heilbrigða grunnbrennslu er mikilvægt að geta misst fitu“
Fókus
Fyrir 17 klukkutímum

Leoncie: „Við hjónin erum búin að fá nóg af ykkar heilabiluðu götudómstólum hér á landi“

Leoncie: „Við hjónin erum búin að fá nóg af ykkar heilabiluðu götudómstólum hér á landi“
Fókus
Fyrir 19 klukkutímum

„Haldið er fast í þá staðreynd að fíklar eru ekki sérstök „tegund“, heldur eru þau venjulegt fólk sem fíknin og heimurinn í kringum efnin hefur breytt, gert þau siðlaus og sjálfselsk“

„Haldið er fast í þá staðreynd að fíklar eru ekki sérstök „tegund“, heldur eru þau venjulegt fólk sem fíknin og heimurinn í kringum efnin hefur breytt, gert þau siðlaus og sjálfselsk“
Fókus
Fyrir 20 klukkutímum

„Norræna goðafræðin eins og við höfum aldrei séð hana áður“

„Norræna goðafræðin eins og við höfum aldrei séð hana áður“