Endurnefna byggingu í höfuðið á sovéskum ólígarka

Tate-safnið í London nefnir nýbyggingu eftir iðnjöfrinum Len Bavatnik

Kristján Guðjónsson
Sunnudaginn 7. maí 2017 15:00

Það hefur vakið nokkra athygli að vegleg viðbygging við Tate-nútímalistasafnið í London, sem hefur hingað til verið kölluð The Switch Building, eða Straumrofahúsið, hefur skyndilega verið endurnefnd einu ári eftir opnun.

Úkraínsk-bandaríski iðnjöfurinn hefur gefið gríðarlegar upphæðir til mennta- og menningarstofnana – oftar en ekki í skiptum fyrir að fá byggingar nefndar eftir sér.
Len Bavatnik Úkraínsk-bandaríski iðnjöfurinn hefur gefið gríðarlegar upphæðir til mennta- og menningarstofnana – oftar en ekki í skiptum fyrir að fá byggingar nefndar eftir sér.

Mynd: Tim Bishop

Byggingin, sem hýsir fjölda sýningarsala, veitingastað og útsýnishæð, mun eftirleiðis heita Bavatnik-byggingin eftir úkraínsk-bandaríska viðskiptajöfrinum Len Bavatnik. Nafnabreytingin ku hafa verið að ósk hans sjálfs en hann gaf listasafninu stærstu peningagjöf sem um getur í sögu þess árið 2011. Samkvæmt fréttum The Art Newspaper er upphæðin sem hann gaf um 50 milljónir breskra punda, eða tæplega 7 milljarða íslenskra króna.

Bavatnik auðgaðist gríðarlega á því að kaupa upp ríkisfyrirtæki á útsöluverði við fall Sovétríkjanna, meðal annars ál- og olíufyrirtæki. Í dag er Bavatnik fyrst og fremst þekktur sem einn allra valdamesti maður menningarheimsins, en hann er meðal annars aðaleigandi Warner Music Group, Atlantic, Warner Bros, Parlophone og AI Film, auk þess sem hann hefur fjárfest í fyrirtækjum á borð við Spotify og Beats Electronics.

Bavatnik hefur gefið fjölda menningar- og menntastofnana stórar peningagjafir, oftar en ekki í skiptum fyrir að fá að setja nafn sitt á þær. Nokkur umræða skapaðist Í Bretlandi árið 2015 eftir að nýbygging við Oxford-háskóla var nefnd eftir Bavatnik og fjöldi rússneskra vísindamanna og stjórnarandstæðinga skrifuðu undir bréf þar sem því var mótmælt að skólinn „seldi orðstír sinn og virðingu til kumpána Vladimirs Putin“. Bavatnik neitaði því hins vegar að vera samstarfsmaður rússneska forsetans og sagðist ekki hafa haft nein tengsl við hann frá árinu 2010.

Kristján Guðjónsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 13 klukkutímum

Borgarstjóri segir Alþingi hafa tafið byggingu nýrra íbúða í Reykjavík

Borgarstjóri segir Alþingi hafa tafið byggingu nýrra íbúða í Reykjavík
Fyrir 14 klukkutímum

Fangi í Fossvogi

Fangi í Fossvogi
433
Fyrir 15 klukkutímum

Tobias Thomsen aftur í KR?

Tobias Thomsen aftur í KR?
Eyjan
Fyrir 15 klukkutímum

Krafan um að erlenda vinnuaflið tali íslensku – er það innifalið í kaupinu?

Krafan um að erlenda vinnuaflið tali íslensku – er það innifalið í kaupinu?
433
Fyrir 15 klukkutímum

Sár því hann fær ekki að mæta Ronaldo í kvöld

Sár því hann fær ekki að mæta Ronaldo í kvöld
Fréttir
Fyrir 15 klukkutímum
Veiparar Íslands
Eyjan
Fyrir 16 klukkutímum

Sigurður Ingi segir að ríkisstjórnarsamstarfið byggi á samvinnu og trausti – Markmiðið að koma Íslandi í fremstu röð á sem flestum sviðum

Sigurður Ingi segir að ríkisstjórnarsamstarfið byggi á samvinnu og trausti – Markmiðið að koma Íslandi í fremstu röð á sem flestum sviðum
Pressan
Fyrir 16 klukkutímum

Hversu lengi á maður að vera í sömu vinnunni?

Hversu lengi á maður að vera í sömu vinnunni?
Eyjan
Fyrir 17 klukkutímum

Sem örþjóð verðum að snúa bökum saman og takast á við þau erfiðu og alvarlegu vandamál sem blasa við

Sem örþjóð verðum að snúa bökum saman og takast á við þau erfiðu og alvarlegu vandamál sem blasa við
Matur
Fyrir 18 klukkutímum

Epískur nachos-réttur sem bjargar helginni

Epískur nachos-réttur sem bjargar helginni