Fókus

70 manns gengu á Úlfarsfell í styrktarátaki gegn ofneyslu fíkniefna – „Sólin skín með okkur, fólk er að standa með okkur“

Ragna Gestsdóttir
Mánudaginn 3. september 2018 10:00

Um 70 manns gengu á Úlfarsfell í gær til minningar um þá sem fallið hafa frá af völdum ofneyslu fíkniefna og lyfja. Það eru aðstandendur Minningarsjóðs Einars Darra sem áttu frumkvæðið að göngunni og er hún sú fyrsta af nokkrum sem farnar verða í vetur. 

Göngustjóri í gær var Elísabet Pálmadóttir og voru allir velkomnir með í gönguna, sem og aðrar göngur sem verða skipulagðar í kjölfarið, en um er ræða langtíma styrktarátak þar sem gengið verður á flesta fjallstinda Íslands.

„Þetta er fyrsta gangan þannig að þó svo að Úlfarsfell sé lítið fell þá toppuðum við það í dag,“ sagði Elísabet í fréttum Stöðvar 2 í gær.

Bleikum fána var flaggað á toppi Úlfarsfells, en þrír fánar eru á leiðinni erlendis þar sem þeim verður flaggað í erlendum fjöllum: einn er á leið til Ástralíu, annar til Spánar og þriðji í ítölsku alpanna.

„Við ætlum bæði á hæstu tinda landsins og líka í léttari göngur og allir eru velkomnir með,“ segir Elísabet.

Veðrið lék við göngufólk og hunda.

„Sólin skín með okkur, fólk er að standa með okkur og við gætum ekki verið þakklátari, bara takk allir,“ sagði Bára Tómasdóttir, móðir Einars Darra.

Hjalti Þór Pálmason tók myndir og myndband í göngunni.

Einar Darri Óskarsson lést á heimili sínu þann 25. maí síðastliðinn eftir neyslu róandi lyfja, hann var aðeins 18 ára, fæddur 10. febrúar 2000. Í kjölfarið stofnaði fjölskylda Einars Darra  minningarsjóð í hans nafni sem ætlaður er fyrir ungmenni í fíknivanda. Bleiku armböndin með áletruninni Ég á bara eitt líf, Bleika hjörðin í Reykjavíkurmaraþoninu, bleikar peysur, húfur og fleira hafa verið áberandi í umræðunni í sumar. Bleiki liturinn var valinn þar sem hann var uppáhalds litur Einars Darra.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Stjörnumerkin og fatastíll: Rísandi Steingeit – Vekur athygli án þess að reyna það!

Stjörnumerkin og fatastíll: Rísandi Steingeit – Vekur athygli án þess að reyna það!
Fókus
Í gær

Hvernig er best fyrir kennara að spilla nemendum sínum?

Hvernig er best fyrir kennara að spilla nemendum sínum?
Fókus
Fyrir 2 dögum

Auður skrifar um framúrskarandi krakka í neyslu – „Erfiðara að koma af fullkomnu heimili eða vera fullkominn því fallið er hærra“

Auður skrifar um framúrskarandi krakka í neyslu – „Erfiðara að koma af fullkomnu heimili eða vera fullkominn því fallið er hærra“
Fókus
Fyrir 2 dögum

Valgarður fékk skelfilegt hugboð – „Eins og eitthvað flygi í gegnum hausinn á mér, eitthvað kalt. Það fyrsta sem ég hugsaði var – „Mamma!“

Valgarður fékk skelfilegt hugboð – „Eins og eitthvað flygi í gegnum hausinn á mér, eitthvað kalt. Það fyrsta sem ég hugsaði var – „Mamma!“
Fókus
Fyrir 2 dögum

BLE-Rödd unga fólksins hlaut 19.2% atkvæða

BLE-Rödd unga fólksins hlaut 19.2% atkvæða
Fókus
Fyrir 2 dögum

Sérkennilegur minjagripur – Yfir 60 ára gamall strætómiði

Sérkennilegur minjagripur – Yfir 60 ára gamall strætómiði