Helga Vala Helgadóttir Helga Vala Helgadóttir
Ég tel að það sé nauðsynlegt til þess að auka tiltrú á hinu nýja dómstigi í landinu, Landsrétti. Dómsmálaráðherra hefur í tvígang verið dæmdur í Hæstarétti fyrir ólögmæta embættisfærslu. Það er fyrirséð og hefur nú þegar hafist að málaferli verða í gangi um nokkurt skeið vegna hennar starfa. Hennar ólögmætu embættisfærslur hafa þegar valdið skattgreiðendum miklu fjárhagstjóni, ófyrirséð er hversu langan tíma málaferlin taka og hversu mikið fjárhagstjón verður þegar upp er staðið.
Ég lít á það þannig að ef það er samþykkt vantraust á staka ráðherra þá þýðir það í raun að ríkisstjórnin er ekki lengur starfhæf. Í samsteypustjórnum er hver flokkur ábyrgur fyrir skipan sinna ráðherra, en með því að ganga til samstarfs yfirleitt lýsa hinir flokkarnir stuðningi við hver annan og slíkt er í raun forsenda samstarfsins. Vinstri – græn voru ekki sammála embættisfærslu í tengslum við skipan Landsréttar á síðasta kjörtímabili en ákváðu engu að síður að mynda ríkisstjórn með Framsóknarflokki og Sjálfstæðisflokki eftir kosningar. Sú ákvörðun stendur.
