Fókus

39 manns létust í skotárás á skemmtistað

„Fólk gekk ofan á líkum á leið út,“ segir maður sem lifði af

Ritstjórn DV skrifar
Sunnudaginn 1. janúar 2017 12:30

Að minnsta kosti 39 eru látnir eftir árás á skemmtistað í Istanbúl í gærkvöldi. Byssumaður hóf skothríð á staðnum um kl 1:30 í nótt á staðartíma eða um kl 22:30 á íslenskum tíma.

Byssumannsins er enn leitað en talið er að hann hafi verið einn að verki. Innanríkisráðherra Tyrklands staðfestir að 69 manns hafi verið lagðir inn á sjúkrahús þar af fjórir alvarlega slasaðir. Forseti Tyrklands Recep Tayyip Erdogan segir árasina hafa verið gerða til að skapa glundroða og hann heitir því að gefast ekki upp í baráttunni gegn hryðjuverkum.

Sefa Boydas atvinnumaður í knattspyrnu var nýkominn á staðinn þegar skothríðin hófst. Hann segist telja að fleiri hafi látist. „Fólk gekk ofan á líkum á leið út,“ segir hann og bætir við að hann hafi þurft að bera kærustuna sína út á bakinu til að komast út þar sem hún var í hælaskóm. Fleira fólk sem lifði af ástæðuna furðar sig einnig á tölu látinna og telja hana vera hærri.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af