Tryggvi Hansen listamaður býr í skógarrjóðri rétt utan við Reykjavík. Hann segir manninum eðlilegt að lifa úti í náttúrunni en ekki í húsi. „Gamla fólkið er nánast í einhverjum klefum og er á hraðferð inn í dauðann í leiðindum,“ segir Tryggvi.
Þetta kemur fram á RÚV en Tryggvi er einn af viðmælendum Jóns Ársæls í þáttaröð hans Paradísarheimt sem hefur göngu sína að nýju á sunnudagskvöld. Sjá má myndskeið úr viðtalinu á vef RÚV.
Tryggvi viðurkennir samt að hann búi ekki við mjög heilsusamlegar aðstæður. „Ég hef ekki einu sinni læk,“ segir hann.
Tryggvi hélt áhugaverða listsýningu í Borgarbókasafninu í Árbæ í haust og fjallaði DV þá um sýninguna og feril Tryggva. Sjá hér.
