fbpx
Fókus

Heimilislausi maðurinn borðaði matarafganga úr sorpinu – síðan rétti Íslendingurinn honum peningaseðil

Ágúst Borgþór Sverrisson
Þriðjudaginn 25. september 2018 20:00

Í borginni Pereira í Kólumbíu er víða mikil fátækt. Þar þótti fyrir skömmu heimilislaus maður hafa himin höndum tekið er hann komst yfir matarafgangi í rusli og hafði þá eitthvað til að seðja hungrið. Íslendingur sem þarna var á ferðinni fékk að smella mynd af manninum. Síðan rétti Íslendingurinn manninum peningaseðil, 50.000 kólumbíska pesósa. Það er hæsti peningaseðill sem fyrirfinnst í Kólumbíu en samkvæmt gengi jafngildir það um 1.500 íslenskum krónum. En miðað við lágt verðlag í Kólumbíu virkar seðillinn sambærilega og 10.000 króna seðill á Íslandi.

Viðbrögð mannsins við peningaseðlinum voru þau að fallast tárvotur niður á hnén og þakka innilega fyrir sig.

Gefandinn var Gilbert Sigurðsson og birtir hann mynd af fátæka manninum á Facebook-síðu sinni. Er DV hafði samband við Gilbert vegna málsins var hann í fyrstu tregur til og segist ekki vilja stæra sig af smávægilegum góðverkum sem hann telur sjálfsögð. Hann gaf hins vegar leyfi fyrir birtingu á myndunum og stöðufærslu sinni um atvikið sem er eftirfarandi:

Var á göngu minni upp götu hér Pereira í Kólumbíu og sé mann rosalega glaðan að borða hrísgrjón upp úr poka í mikilli fjarlægð, sá fyrst ekki hvað hann var að borða en í ca. 20 metra fjarlægð sá ég bara mann geislandi af hamingju, þegar ég nálgaðist manninn sá ég að hann var að borða hrísgrjón sem hann trúlega hafði grafið upp úr rusli einhverstaðar. Ég gaf mig á tal við þennan hamingjusama heimilislausa mann og sá að hann var með poka með sér fullan af rusli og matarafgöngum, hann hafði greinilega farið í ruslið á einhverju veitingahúsi og fundið fullt af matarleifum, það var eins og hann hefði ekki borðað i marga daga, því hann var svo glaður með fenginn sinn, ég heilsaði honum og spurði hvort ég mætti taka mynd af honum, hann brosti hið breiðasta og sagði sí claro, (auðvitað) ég smellti af mynd, og hann langaði að sj myndina, og þegar hann sá myndina varð hann ennþá glaðari. Ég dró seðil upp úr vasanum sem er stærsti seðillinn hérna úti sem er 50.000 pesosar sem er 1500kr íslenskar og jafnast á við 10.000kr seðil á íslandi og gaf honum, hann stóð upp og hélt á seðlinum upp fyrir haus og féll síðan niður á hnén af þakklæti, og augu hans urðu vot, hann þakkaði mér mikið fyrir og leiðir okkar skildu er ég hélt áfram göngu minni, svo heyrði ég söng og leit við, þá pakkaði hann saman ruslinu sínu og labbaði hratt i hina áttina syngjandi, ég fékk skrítinn hnút í magann og samgladdist manninum, lífið er ekki sjálfsagt.

Gaf fátækum börnum skó

Gilbert hefur tekið ástfóstri við Kólumbíu en hann hefur áður vitnað um að mikil fátækt sé í Pereira. Fyrr á árinu greindi DV frá því er Gilbert gaf hópi barna nýja skó í þorpi einu, en börnin voru öll skólaus. Sá nánar hér.

Ágúst Borgþór Sverrisson
Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 21 klukkutímum

Petrína: „Það skiptir miklu máli fyrir þann veika að finna stuðning“

Petrína: „Það skiptir miklu máli fyrir þann veika að finna stuðning“
Fókus
Fyrir 22 klukkutímum

Mál­þing um brjósta­krabba­mein – Doktor Google & Google Maps

Mál­þing um brjósta­krabba­mein – Doktor Google & Google Maps
Fókus
Í gær

Þraut: Kettir eru víða – finnur þú köttinn á þessum myndum?

Þraut: Kettir eru víða – finnur þú köttinn á þessum myndum?
Fókus
Í gær

Markvissar aðgerðir í Hafnarfirði gegn hrakandi málþroska íslenskra barna

Markvissar aðgerðir í Hafnarfirði gegn hrakandi málþroska íslenskra barna
Fókus
Í gær

Hlemmur & Grandi mathöll efna til opinnar umræðu um götubitann

Hlemmur & Grandi mathöll efna til opinnar umræðu um götubitann
Fókus
Í gær

Julia Roberts falleg í bleiku – „Það erfiðasta sem ég hef gert er að treysta á sjálfa mig“

Julia Roberts falleg í bleiku – „Það erfiðasta sem ég hef gert er að treysta á sjálfa mig“