Fókus

VIÐBURÐUR: Prins Póló ræsir stuðið með útgáfutónleikum í Iðnó – Svo er það hringurinn

Fókus
Fimmtudaginn 26. apríl 2018 16:24

Á morgun, 27. apríl næstkomandi kemur út þriðja breiðskífa Prins Póló sem hefur fengið nafnið Þriðja kryddið.

Í þessu húsi er oftast mikið stuð.

Um kvöldið fagnar hann útkomunni með því að halda allsherjar útgáfutónleika í Iðnó en þar verður jafnframt Árni+1 úr FM Belfast honum til halds og trausts.

Leikin verða gömul lög í bland við ný og má búast við nístandi angurværð í bland við hoppandi stuð í þessu brakandi skemmtilega skemmtihúsi.

Hann má ekki vaka alla nóttina

Daginn eftir þarf skemmtikrafturinn að vakna snemma því þá er ferðinni heitið í Frystiklefann á Rifi og svo er það bara landið eins og það leggur sig. Gamli góði hringurinn. Stuðboltinn þarf því að passa sig að fara ekki allt of seint að sofa.

„Heimsóttir verða nokkrir vel valdir staðir, tekið í spaða og slegið á strengi“ segir í tilkynningu.

Að sögn aðstandenda hlakkar Prinsinn mikið til ferðarinnar en þetta er hans fyrsti hringtúr einn síns liðs. „Það er ekki laust við að það sé smá fiðringur í honum, allt að því skjálfti!“

Dagskráin er sem hér segir:

Föstudagur 27. apríl: Iðnó
Laugardagur 28. apríl: Frystiklefinn Rifi
Sunnudagur 29. apríl: Drangsnes, Malarkaffi
Mánudagur 30. apríl: Hvammstangi, Sjávarborg
Miðvikudagur 1. maí: Hvanneyri, Pub
Fimmtudagur 3. maí: Akureyri, Græni Hatturinn
Föstudagur 4. maí: Dalvík, Gísli Eiríkur Helgi
Laugardagur 5. maí: Húsavík, Hvalbakur
Sunnudagur 6. maí: Seyðisfjörður, Herðubreið
Fimmtudagur: 17. maí: Keflavík, Paddy’s
Föstudagur 18. maí: Hafnarfjörður, Bæjarbíó
Laugardagur 19. maí: Hvolsvöllur, Midgard
Sunnudagur 20. maí: Berufjörður, Havarí

Hirðin vonast til þess að landsmenn taki vel á móti Prinsinum í þeirra heimabyggð.

Forsala miða er á vefnum Tix.is 

Líf ertu að grínast?

Fókus
Fókus er fyrir fólk sem kýs litla flokka, fólk sem kýs stóra flokka, fólk sem fílar hunda betur en ketti, ketti betur en hunda, páfagauka betur en fiska, fiska betur en allt annað á jörðinni. Fókus er fyrir fólk með fléttur, fólk sem á of mikið af jakkafötum, fólk sem langar í fleiri jakkaföt, fólk sem borar í nefið þegar það heldur að enginn sjái til. Fókus er fyrir fólk sem þarf gleraugu og líka fyrir fólkið sem sér alltaf allt í fókus. Fókus er fyrir þig.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

TÍMAVÉLIN: Neitaði að gefast upp og barðist í 29 ár til viðbótar

TÍMAVÉLIN: Neitaði að gefast upp og barðist í 29 ár til viðbótar
Fókus
Fyrir 2 dögum

Er þetta draumastarfið? Landsliðsmarkvörður Íslands leitar að au-pair

Er þetta draumastarfið? Landsliðsmarkvörður Íslands leitar að au-pair