fbpx
Sunnudagur 20.janúar 2019
Fókus

Ríkharður III jólasýning Borgarleikhússins – Fyrsta leikstjórn Brynhildar

Ragna Gestsdóttir
Föstudaginn 28. desember 2018 14:00

Á morgun, laugardaginn 29. desember, verður jólasýning Borgarleikhússins, Shakespeare-leikritið Ríkharður III, frumsýnd á Stóra sviðinu. Sagan segir frá baráttu valdasjúks manns sem svífst einskis til að ná æðstu metorðum, að verða konungur Englands. Umfjöllunarefni sem á við ennþá á okkar tímum.

 

Þetta er í þriðja skiptið sem leikritið er sviðsett í atvinnuleikhúsi á Íslandi. Í þetta sinn er það Hjörtur Jóhann Jónsson sem fær þann heiður að leika Ríkharð III en hlutverkið þykir eitt af stærstu karlhlutverkum leiklistarsögunnar. Árið 1986 lék Helgi Skúlason Ríkharð og árið 2003 var það Hilmir Snær Guðnason.

Brynhildur Guðjónsdóttir leikstýrir verkinu og er þetta fyrsta leiksýningin í hennar leikstjórn. Ekki nóg með það: Hún er fyrsta konan sem leikstýrir verkinu í atvinnuleikhúsi á Íslandi og jafnframt  fyrsti Íslendingurinn sem leikstýrir því. Hún vann einnig aðlögun ásamt Hrafnhildi Hagalín, en Kristján Þórður Hrafnsson þýddi verkið.

Aðrir leikarar í sýningunni eru hin 83 ára Kristbjörg Keld sem leikur í annað skipti í þessu leikriti, Jóhann Sigurðarson sem hefur leikið í öllum þremur uppfærslunum, Sigrún Edda Björnsdóttir, Valur Freyr Einarsson, Edda Björg Eyjólfsdóttir, Halldór Gylfason, Þórunn Arna Kristjánsdóttir, Hilmar Guðjónsson, Arnar Dan Kristjánsson, Davíð Þór Katrínarson og Sólbjört Sigurðardóttir sem er 24 ára dansari og leikur í sínu fyrsta leikriti.

Daníel Bjarnason sér um tónlistina í verkinu en þetta er í fyrsta skipti sem hann gerir tónlist fyrir leiksýningu. Hann er margverðlaunaður tónlistarmaður og hlaut til að mynda dönsku sviðslistarverðlaunin, Reumertinn,  fyrir óperuna Brothers. Hann fékk einnig fern verðlaun Íslensku tónlistarverðlaunanna í ár.

Aðrir listrænir stjórnendur eru Ilmur Stefánsdóttir, leikmynd, Filippía I. Elísdóttir, búningar, Björn Bergsteinn Guðmundsson sér um lýsingu, Valgerður Rúnarsdóttir er danshöfundur, Elín S. Gísladóttir sér um leikgervi og Baldvin Þór Magnússon er með hljóð.

Hér fyrir neðan eru myndbönd af fimm konum í sögunni sem leika stóra rullu í uppfærslunni:

Elísabet yngri – Sólbjört Sigurðardóttir

Lafði Anna – Þórunn Arna Kristjánsdóttir

Elísabet drottning – Edda Björg Eyjólfsdóttir

Hertogafrúin af Jórvík – Sigrún Edda Björnsdóttir

Margrét, ekkja Hinriks VI – Kristbjörg Keld

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Netflix kaupir dreifingarréttinn á Rétti í Þýskalandi, Frakklandi, Ítalíu, Spáni og Suður Ameríku

Netflix kaupir dreifingarréttinn á Rétti í Þýskalandi, Frakklandi, Ítalíu, Spáni og Suður Ameríku
Fókus
Í gær

Simmi kveður – „Það er gaman að skila góðu búi af sér“

Simmi kveður – „Það er gaman að skila góðu búi af sér“
Fókus
Fyrir 2 dögum

Ótrúleg breyting á Röggu nagla: Birti mynd af sér fyrir 10 árum – Sjáðu muninn

Ótrúleg breyting á Röggu nagla: Birti mynd af sér fyrir 10 árum – Sjáðu muninn
Fókus
Fyrir 2 dögum

Sveppi missti bróður sinn: „Þetta var hræðilegt og truflar mig ennþá daginn í dag“

Sveppi missti bróður sinn: „Þetta var hræðilegt og truflar mig ennþá daginn í dag“
Fókus
Fyrir 3 dögum

Hverjir eru með stærstu og smæstu typpin í Hollywood? – Sú ráðgáta er loksins leyst

Hverjir eru með stærstu og smæstu typpin í Hollywood? – Sú ráðgáta er loksins leyst
Fókus
Fyrir 3 dögum

Rúrik og Nathalia njóta lífsins saman

Rúrik og Nathalia njóta lífsins saman