fbpx
Mánudagur 21.janúar 2019
Fókus

Meistaraverk Chaplins í nýrri gerð á Stóra sviðinu

Ragna Gestsdóttir
Miðvikudaginn 26. desember 2018 10:20

Á annan dag jóla frumsýnir Þjóðleikhúsið Einræðisherrann, meistaraverk Charlies Chaplins í nýrri leikgerð eftir Nikolaj Cederholm sem er einnig leikstjóri verksins.

Sigurður Sigurjónsson spreytir sig á hlutverki flækingsins og einræðisherrans en þess má geta að Sigurður hefur verið einlægur aðdáandi Chaplins frá unga aldri og á stórt safn af munum sem tengjast Chaplin. Það má með sanni segja að hlutverk flækingsins, sem verður einræðisherra fyrir röð mistaka, sé draumahlutverk Sigurðar. Aðrir leikarar í sýningunni eru Ilmur Kristjánsdóttir, Guðjón Davíð Karlsson, Hallgrímur Ólafsson, Þröstur Leó Gunnarsson, Ólafía Hrönn Jónsdóttir, Pálmi Gestsson, Oddur Júlíusson og Sigurður Þór Óskarsson. Tónlist er mikilvægur þáttur í sýningunni, og tónlistarstjórinn Karl Olgeirsson leikur á píanó af fingrum fram og sér um leikhljóð.

Listrænir stjórnendur sýningarinnar eru að mestu danskir en verkið var upphaflega sett upp á síðasta ári hjá Nørrebro-leikhúsinu í Kaupmannahöfn, þar sem það sló rækilega í gegn. Gagnrýnendur hlóðu lofi á sýninguna og naut hún mikilla vinsælda.

Einræðisherrann er heillandi, bráðskemmtileg og frumleg leiksýning um valdasýki, möguleika mennskunnar í trylltri veröld og baráttuna fyrir friði í heiminum.  Að venju er boðið upp á umræður eftir 6. sýningu, laugardagskvöldið 12. janúar.

Allar upplýsingar um sýninguna, myndir og leikskrá má finna hér.

Sem fyrr segir er Nikolaj Cederholm leikstjóri sýningar og höfundur leikgerðar, en meðleikstjóri hans er Malene Begtrup. Leikmynd gerir Kim Witzel, búningar eru eftir Line Bech, höfundur sviðshreyfinga er Anja Gaardbo og Kasper Ravnhøj sér um slapstick. Lýsing er í höndum Ólafs Ágústs Stefánssonar, Karl Olgeirsson er tónlistarstjóri og sér um píanóleik og leikhljóð, en Aron Þór Arnarsson sér um hljóðmynd. Magnea J. Matthíasdóttir þýddi leikgerðina.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Steingeitin – Agi, metnaður og vinnuharka

Steingeitin – Agi, metnaður og vinnuharka
Fókus
Í gær

Jensína náði ótrúlegum áfanga í dag – Elst allra sem hafa átt heima á Íslandi

Jensína náði ótrúlegum áfanga í dag – Elst allra sem hafa átt heima á Íslandi
Fókus
Fyrir 2 dögum

Netflix kaupir dreifingarréttinn á Rétti í Þýskalandi, Frakklandi, Ítalíu, Spáni og Suður Ameríku

Netflix kaupir dreifingarréttinn á Rétti í Þýskalandi, Frakklandi, Ítalíu, Spáni og Suður Ameríku
Fókus
Fyrir 2 dögum

Simmi kveður – „Það er gaman að skila góðu búi af sér“

Simmi kveður – „Það er gaman að skila góðu búi af sér“
Fókus
Fyrir 3 dögum

Heimir Karls – „Framvegis ætla ég að faðma fólk eða „olnboga“

Heimir Karls – „Framvegis ætla ég að faðma fólk eða „olnboga“
Fókus
Fyrir 3 dögum

Ótrúleg breyting á Röggu nagla: Birti mynd af sér fyrir 10 árum – Sjáðu muninn

Ótrúleg breyting á Röggu nagla: Birti mynd af sér fyrir 10 árum – Sjáðu muninn