fbpx
Laugardagur 15.desember 2018
Fókus

Leðurblökumaðurinn eflir lestur ungmenna

Tómas Valgeirsson
Miðvikudaginn 14. nóvember 2018 09:00

Myndasögu- og ofurhetjuséníin hjá Nexus hefja útgáfu þýddra myndasagna á næstunni. Upphaf þessa verkefnis felur í sér útgáfu á stórvinsælum og áður óútgefnum sögum um Batman, eða Leðurblökumanninn eins og hann er gjarnan kallaður. Um er að ræða metnaðarfulla tilraun hjá teyminu innan veggja Nexus til að stuðla að meiri lestraráhuga ungs fólks.

„Með tilliti til þróunar og umræðu undanfarinna ára í tengslum við minnkandi yndislestur ungs fólks, og sérstaklega ungra drengja, teljum við að framboð á lestrarefni af þessum toga gæti átt þátt í að bæta okkur í þeim efnum,“ segir Haraldur Hrafn Guðmundsson og tekur fram að gríðarleg undirbúningsvinna hafi farið í þetta verkefni.

Haraldur starfar sem þýðandi og stendur að þessu nýja verkefni ásamt þeim Pétri Yngva Leóssyni myndasögusérfræðingi og Gísla Einarssyni, forstjóra Nexus. Til stendur að gefa út sex bækur, eina á mánuði, og verður fyrsta bókin gefin út í desember. Hver bók er rúmlega 100 blaðsíður með allt að fimm sögum hver. Til að gefa lesendum forsmakk á íslenska Leðurblökumanninn verður gefið út sérstakt fríblað í Nexus á föstudaginn, degi íslenskrar tungu.

Haraldur (Krummi) og Gísli í góðum fíling.

Hann bætir við að Menntamálaráðuneytið hafi fyrir stuttu síðan styrkt útgáfu bóka í tengslum við knattspyrnu vegna góðs árangurs íslenska landsliðsins að undanförnu. „Þó svo að hún sé vinsæl, þá er það hins vegar svo að knattspyrna er ekki allra,“ segir Haraldur. „Við viljum reyna að ná til þeirra sem ekki hafa áhuga á fótbolta.“

Myndasögur eru viðurkenndar sem kennsluaðferð, að sögn Haralds, og í seinni tíð hafa þær rutt sér til rúms sem mun vandaðri bókmenntir en áður fyrr. „Það er nú orðið svo að enska orðið „comics“ sem alla jafna er notað yfir myndasögur nær ekki endilega yfir þær sögur og bækur sem verið er að gefa út, og eru þær frekar kallaðar „graphic novels“, eða myndrænar skáldsögur,“ segir Haraldur.

„Textinn og sagan getur þó verið alveg jafn vandað og í hefðbundnum bókmenntum, þó að vissulega sé ekki um jafn mikinn texta að ræða. Það að hvetja unga lesendur sem ekki lesa sér til yndisauka, hvort sem er vegna skorts á áhuga eða vegna lestrarörðugleika, til að lesa myndasögur getur svo virkað sem eins konar brú yfir í hefðbundnari form bókmennta þar sem búið er að brjóta á bak aftur hugsanlegan ótta og jafnvel andúð á bókum.“

En hvers vegna varð Leðurblökumaðurinn fyrir valinu?

„Segja má að Leðurblökumaðurinn sé krúnudjásn myndasagnanna og því teljum við réttast að byrja á honum. Þetta er tvímælalaust ein elsta og frægasta persóna myndasagnaheimsins,“ segir Haraldur. „Pétur Yngvi, myndasögusérfræðingur Nexus, hefur raðað saman sögum sem mynda einn samfelldan sagnabálk sem hefur áður ekki verið gefinn út í heild sinni. Þetta eru framhaldssögur, sem gerir það að verkum að lesandinn bíður spenntur eftir næsta hefti, og hvetur þannig til lestrar, gerir lestur spennandi og jafnvel eftirsóknarverðan.“

Haraldur bætir einnig við að þó markmiðið sé að auka lestur ungra drengja, hefur hópurinn það að sjálfsögðu í hyggju að gefa út myndasögur sem eru miðaðar að stúlkum, þar sem hetjurnar eru sterkar og sjálfstæðar konur, en ekki eingöngu sterkir karlar.

„Svo er markmiðið líka að gefa öllum krökkum í 7. – 10. bekk fríblaðið,“ segir Haraldur.„Margir skólar um allt land taka þátt í þessu með okkur og ætla að hjálpa okkur að dreifa því til krakkanna.“

 

Tómas Valgeirsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Snarlúkkar þessi kerra!
Fókus
Fyrir 20 klukkutímum

Ragga nagli komin með Heilsuvarp

Ragga nagli komin með Heilsuvarp
Fókus
Fyrir 21 klukkutímum

DV Tónlist : FM Belfast í beinni útsendingu kl. 13.00

DV Tónlist : FM Belfast í beinni útsendingu kl. 13.00
Fókus
Í gær

Allir gráta og Minningarsjóður Einars Darra færa leik- og grunnskólum kærleiksgjöf

Allir gráta og Minningarsjóður Einars Darra færa leik- og grunnskólum kærleiksgjöf
Fókus
Í gær

Frægir sem hata jólin – „Hvílík sóun á pappír!“

Frægir sem hata jólin – „Hvílík sóun á pappír!“
Fókus
Í gær

Dillon og Bulleit safna fyrir Geðhjálp og Rauða krossinn – Húðflúr gegn myrkrinu

Dillon og Bulleit safna fyrir Geðhjálp og Rauða krossinn – Húðflúr gegn myrkrinu
Fókus
Í gær

Tónlistarspekúlantar hafa fundið formúlu hins fullkomna jólasmells

Tónlistarspekúlantar hafa fundið formúlu hins fullkomna jólasmells
Fókus
Í gær

Hrafn var búinn að hringja um allt – Fann það sem hann vantaði á spottprís í Costco

Hrafn var búinn að hringja um allt – Fann það sem hann vantaði á spottprís í Costco
Fókus
Í gær

Ævar vísindamaður með Þína eigin auglýsingu – Sjáðu myndbandið

Ævar vísindamaður með Þína eigin auglýsingu – Sjáðu myndbandið