Fókus

Ingibjörg Huld Halldórsdóttir myndlistarkona opnar sýningu í Gallerí Gróttu

Ragna Gestsdóttir
Fimmtudaginn 1. nóvember 2018 14:30

Í dag kl. 17 mun Ingibjörg Huld Halldórsdóttir opna myndlistarsýningu sína HELGIMYNDIR í Gallerí Gróttu – sýningarsal Seltjarnarness sem er á 2. hæðinni á Eiðistorgi (inni á Bókasafni Seltjarnarness). Sýningin verður opin til 25. nóvember samkvæmt opnunartíma bókasafnins.

Stórum spurningum er velt upp í sýningunni Helgimyndir. Því hvað þýðir samband foreldris og barns fyrir það hvernig samfélagið virkar? Frá fyrsta andartaki er barnið ósjálfbjarga og mótast af þeim raunveruleika sem mætir því við fæðingu: fjölskyldunni. Eins er samfélagið í raun mótað innan fjögurra veggja heimilisins, því barnið lærir ekki aðeins það sem fyrir því er haft, heldur er meðvirkur meðleikari í því sjónarspili sem hér fer fram.

Í olíu- og krosssaumsverkum á sýningunni veltir myndlistarmaðurinn þessum raunveruleika barnsins fyrir sér. Hvernig er samband foreldris og barns í þjóðfélagi þar sem skömm og meðvirkni ómeðvitað og meðvitað er notuð til að stjórna fólki? Er hornstein feðraveldisins að finna í þessu sambandi móður og barns?

Eins og í fyrri sýningum Ingibjargar er skömmin í brennidepli og málin skoðuð frá sjónarhóli barnsins. Myndirnar eru áhrifamiklar og vilja vekja áhorfandann til umhugsunar um samfélagið, fjölskylduna og eigin barnæsku.

Myndlistarmaðurinn Ingibjörg Huld Halldórsdóttir er fædd og uppalin í Borgarfirði. Hún lærði arkitektúr í Kaupmannahöfn og Lyon, Frakklandi, og vann lengi sem arkitekt og hönnuður samhliða listsköpun. Hún hefur tekið þátt í bæði einka- og samsýningum hér heima og í Danmörku.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Hann hjálpar dýrum að ganga og fljúga á ný

Hann hjálpar dýrum að ganga og fljúga á ný
Fókus
Fyrir 2 dögum

Leikdómur: Tvískinnungur – „Oft grimm fegurð í textanum og myndhverfingarnar verða sterkar, átakanlegar og óþægilegar“

Leikdómur: Tvískinnungur – „Oft grimm fegurð í textanum og myndhverfingarnar verða sterkar, átakanlegar og óþægilegar“