Fjölmiðlakonan Friðrika Hjördís Geirsdóttir eða Rikka birti skemmtilegt myndband á Facebook-síðu sinni fyrr í dag og slær á létta strengi um að hún sé orðin asnahirðir.
„Mæli með því við alla sem hafa tök á að ferðast einir reglulega, kynnast nýju fólki og ólíkum aðstæðum. Hverjum hefði til dæmis dottið í hug að ég yrði asnahirðir í Atlas fjöllunum,“ segir Rikka, sem hætti um miðjan október með þáttinn Ísland vaknar á K100, sem hún stjórnaði ásamt Loga Bergmann og Rúnari Frey Gíslasyni.
Myndbandið slær í gegn hjá vinum Rikku, sem líst vel á að prófa allt og hvetur einn hana til að setja þetta á ferilskrána.
Atlasfjöllin liggja í norðvesturhluta Afríku og eru 2400 km langur fjallgarður sem liggur meðfram ströndum Marokkó, Alsír og Túnis, og skilur Atlantshafið og Miðjarðarhafið frá Sahara-eyðimörkinni.