Breska hljómsveitin Coldplay fagnar 20 ára starfsafmæli með sérstakri útgáfu, The Butterfly Package, eða Fiðrildapakkanum, sem kemur út 7. desember. Pakkinn inniheldur heimildarmynd, tvo diska með „live“ upptökum og mynd frá tónleikum. Þetta er pakki sem allir aðdáendur Coldplay þurfa að eignast.

Það sem vekur þó athygli okkar Íslendinga er að kápa pakkans er hönnuð af Kristjönu S. Williams, sem er margverðlaunaður íslenskur hönnuður. Kristjana býr í London, en hún útskrifaðist sem grafískur hönnuður frá Central St Martin´s. Tvítug opnaði hún verslunina Beyond The Walley og árið 2012 opnaði hún eigið hönnunarstúdíó, KSW Studio.

Hönnun hennar hefur vakið mikla athygli, en hún hefur hannað fatnað, heimilisvöru, veggfóður, vegglistaverk, húsgögn og fleira. Hún hefur einnig tekið þátt í fjölmörgum stórum sýningum, meðal annars London Design Festival.

Myndin fyrir Coldplay er klippimynd (collage) sem inniheldur fjölda sjónrænna myndefna sem dregin eru af listaverkum hljómsveitarinnar, myndböndum og sögu hennar.

Plötuna má kaupa hér.