Bretar frá skemmtigarðinum The Pleasure Beach í Norfolk fluttu inn sýningarvélina sem varpaði mynd yfir hálfan sýningarsalinn og á hvolfþak.
Fannst áhorfendum þá eins og þeir væru staddir í atburðarásinni miðri.
Ekki var boðið upp á heilar bíómyndir heldur stutt upplifun, til dæmis af rússíbanaferð, flugi breiðþotu og vélhjólakappakstri.
Sýningargræjurnar voru mjög dýrar og kostaði linsan ein og sér til að mynda 700 þúsund krónur.
Bretarnir voru þó til í að selja vélina hér á Íslandi ef kaupandi fyndist.