Hólmar Örn Eyjólfsson segir að hann eigi einni manneskju mikið að þakka fyrir það hversu langt hann hefur náð í fótboltanum. Hólmar er hluti af landsliðshópi Íslands sem nú undirbýr sig fyrir lokakeppni heimsmeistaramótsins sem byrjar í Rússlandi í þessari viku.
Sjá einnig:
Hólmar Örn tilbúinn í hægri bakvörðinn áfram: „Ég fer þá bara inn og geri mitt besta“
Hólmar Örn er sonur Eyjólfs Sverrissonar, sem af mörgum talinn einn besti varnarmaður Íslands undanfarinn aldarfjórðung eða svo. Hólmar segir að faðir sinn hafi reynst sér einstaklega vel og verið duglegur að gefa honum góð ráð.
„Já, heldur betur. Hann hefur verið ómetanleg hjálp í gegnum allan ferilinn í rauninni. Sérstaklega á fyrstu árunum þá hjálpaði hann manni alveg gríðarlega mikið. Og ég á honum mikið að þakka,“ sagði Hólmar í viðtali við 433.is í morgun.
Pabbi þinn goðsögn í landsliðinu? Duglegur að gefa þér góð? Já, heldur betur. Hann hefur verið ómetanleg hjálp í gegnum allan ferilinn í rauninni. Sérstaklega á fyrstu árunum þá hjálpaði hann manni alveg gríðarlega mikið. Og ég á honum mikið að þakka.“