Ole Gunnar Solskjær er nýr þjálfari Manchester United en hann mun stýra liðinu út tímabilið.
Félagið staðfesti þetta óvart á heimasíðu sinni í gær en Jose Mourinho var rekinn um morguninn.
Um kvöldið birti United frétt um Solskjær þar sem skoðað var mörk leikmannsins í úrslitum Meistaradeildarinnar árið 1999.
Solskjær reyndist þá hetja United í úrslitaleik gegn Bayern Munchen en hann lék með liðinu frá 1996 til 2007.
Hann hefur undanfarin ár stýrt liði Molde í heimalandinu en stoppaði stutt hjá Cardiff City árið 2014.
United staðfesti að Solskjær myndi taka við keflinu en fréttinni var svo eytt stuttu síðar.
Búist er við að félagið muni birta fréttina aftur síðar í dag og verður Norðmaðurinn tilkynntur sem nýr stjóri.
