Nú er í gangi leikur Íslands og Katar en um er að ræða vináttuleik sem er spilaður í Eupen í Belgíu.
Ísland lenti undir strax í byrjun leiks en leikmaður Katar skoraði þá með frábæru skoti úr aukaspyrnu.
Nú rétt í þessu vorum við að jafna metin en það var Ari Freyr Skúlason sem gerði markið.
Arnór Sigurðsson gerði vel og fiskaði aukaspyrnu fyrir utan teig sem Ari tók svo stuttu síðar.
Spyrna Ara var virkilega góð og fór í stöng og inn en átti þó viðkomu í markmanni Katar.
