Er Gylfi Þór Sigurðsson vanmetinn leikmaður? Það er spurning sem þarfnast svara þessa stundina.
Gylfi er klárlega besti knattspyrnumaður Íslands í dag en hann leikur með Everton í ensku úrvalsdeildinni.
Gylfi hefur komið víða við á ferlinum og má nefna Tottenham, Swansea, Hoffenheim og nú Everton.
Við rákumst á athyglisverðan samanburð í kvöld þar sem tölfræði Gylfa á tímabilinu er skoðuð.
Á móti er skoðað þá David Silva, leikmann Manchester City, Christian Eriksen, leikmann Tottenham og Mesut Özil, leikmann Arsenal.
,,Gylfi Þór Sigurðsson er mjög vanmetinn leikmaður,“ fylgir þessum samanburði og er möguleiki á að þessi ágæti stuðningsmaður hafi rétt fyrir sér.
Hann skorar meira og leggur upp meira eða jafn mikið og þessar stórstjörnur eftir tólf leiki.