Xherdan Shaqiri, leikmaður Liverpool og Sviss, lenti í smá rifrildi við Rúnar Má Sigurjónsson, leikmann Íslands í vikunni.

Shaqiri hefur nú tjá sig um þetta atvik á Laugardalsvelli en hann segist hafa reynt að verja sig gegn Rúnari.

Shaqiri er ein skærasta stjarna Sviss en hann segir að Rúnar sé ansi ákafur leikmaður sem getur skapað hættu.

Einnig vissi Shaqiri ekki að Rúnar væri á mála hjá Grasshoppers sem spilar einmitt í efstu deild í Sviss.

,,Er hann að spila fyrir Grasshoppers? Hann var ansi ákafur,“ sagði Shaqiri við blaðamenn.

,,Eins og allir tæknilegir leikmenn þá þarf ég að verja mig. Ég get ekki alltaf sagt ‘Komdu og sparkaðu í mig!’

Rúnar tjáði sig einnig um atvikið fyrr í vikunni og sagði að það sem gerðist á vellinum færi ekki lengra en það.