Sjúkratryggingar Íslands hafa ekki afhent Rótinni aðgang að samningi sínum við SÁÁ líkt og stofnunin átti að gera samkvæmt úrskurði úrskurðarnefndar um upplýsingamál. Líkt og DV fjallaði um í lok september var slegið á putta Sjúkratrygginga þar sem stofnunin hafi ekki afgreitt beiðni Rótarinnar innan sjö daga frá móttöku.
Umboðsmaður alþingis telur ekki tilefni til að halda áfram meðferð kvörtunar sem maður nokkur lagði fram vegna andláts dóttur hans á sjúkrahúsi í ónefndu ríki. Kvartaði faðirinn yfir vinnubrögðum Sjúkratrygginga Íslands og heilbrigðisráðuneytisins í málinu, en það var fyrrnefnda stofnunin sem sendi dóttur mannsins til meðferðar á sjúkrahúsinu.
Úrskurðarnefnd velferðarmála hefur staðfest synjun Sjúkratrygginga Íslands á umsókn konu um greiðsluþátttöku í lækniskostnaði erlendis, vegna fylgikvilla í kjölfar brjóstastækkunaraðgerðar. Fram kemur í úrskurðinum að Sjúkratryggingar hafi greitt fyrir að láta fjarlægja sílikonpúðana úr brjóstum konunnar þegar þeir fóru að leka.
Hæstiréttur hefur fellt úr gildi úrskurð úrskurðarnefndar velferðarmála sem staðfesti synjun Sjúkratrygginga Íslands á umsókn manns um bætur úr sjúklingatryggingu vegna alvarlegra aukaverkana sem hann varð fyrir vegna áralangrar notkunar á geðlyfi. Leiddi það til svo alvarlegra áhrifa á nýru mannsins að hann er með nýrnabilun á lokastigi.
