Kærunefnd útlendingamála hefur staðfest ákvörðun Útlendingastofnunar um að vísa manni frá Jamaíka úr landi og ákvarða honum endurkomubann. Umræddur maður var dæmdur fyrir nauðgun en taldi það ósanngjarna ráðstöfun að vísa honum úr landi. Nefndin staðfesti einnig ákvörðun stofnunarinnar um að fella niður frest hans til sjálfviljugrar brottfarar.

Landsréttur hefur staðfest dóm Héraðsdóms Reykjavíkur sem hafnaði kröfu embættis landlæknis um að ákvörðun Persónuverndar, um að embættið hefði brotið persónuverndarlög, yrði felld úr gildi. Landsréttur féllst hins vegar á að lækka stjórnvaldssektina sem Persónuvernd lagði á í málinu.

Landsréttur hefur snúið við dómi Héraðsdóms Reykjavíkur og fallist á kröfu Ómars Valdimarssonar lögmanns um að úrskurður úrskurðarnefndar lögmanna, þar sem hann var áminntur fyrir meðal annars tölvupóstsendingu til dómara, skuli fellldur úr gildi.

Alþingi ætti að skoða hvort það þurfi að búa til ákvæði um nauðgun af gáleysi að mati Sigrúnar Sifjar Eyfeld Jóelsdóttur.

Landsréttur hefur staðfest dóm Héraðsdóms Reykjaness sem hafnaði kröfu manns, sem vikið var úr starfi sínu sem flugmaður, um 78,9 milljóna króna bætur úr skírteinistryggingu, auk dráttarvaxta. Var manninum sagt upp störfum eftir að ýmis konar atvik komu ítrekað upp í kjölfar óhóflegrar áfengisneyslu hans.

Landsréttur hefur staðfest úrskurð Héraðsdóms Reykjavíkur um að manni sem var á reynslulausn verði gert að fara aftur í fangelsi til að sitja af sér eftirstöðvar refsingarinnar. Hafði maðurinn hlotið þrjá mismunandi dóma en var að afplána þá alla samhliða. Maðurinn er sterklega grunaður um innbrot í fyrirtæki þar sem meðal annars 16 fartölvum var stolið.

Birtur var rétt í þessu á vef dómstólanna úrskurður Landsréttar þar sem úrskurður Héraðsdóms Reykjaness um frávísun á ákæru á hendur Skúla Tómasi Gunnlaugssyni lækni fyrir manndráp er felldur úr gildi.

Landsréttur hefur snúið við úrskurði Héraðsdóms Suðurlands sem hafnaði kröfu lögreglunnar á Suðurlandi um að kryfja lík manns sem lést í umferðarslysi en ekki var hægt að fullyrða hver maðurinn var.

Landsréttur hefur sýknað karlmann af öllum ákæruliðum, sem eftir stóðu, fyrir meint ofbeldi gegn barnsmóður hans og fyrrum sambýliskonu. Maðurinn hafði áður verið sýknaður að hluta ákæruliða fyrir Héraðsdómi Norðurlands eystra en sakfelldur fyrir aðra og tók Landsréttur aðeins fyrir þá ákæruliði.

Landsréttur hefur staðfest dóm Héraðsdóms Reykjavíkur um að íslenska ríkinu beri að endurgreiða rekstrarfélagi Hótels Keflavíkur fé sem var hluti af styrk sem ríkið greiddi upphaflega fyrirtækinu, á meðan Covid-heimsfaraldrinum stóð, til að standa straum af greiðslu hluta launa á uppsagnarfresti starfsmanna.

Maður sem sat í fangelsi á Hólmsheiði hefur stefnt dómsmálaráðuneytinu og krafist flýtimeðferðar. Í úrskurði Héraðsdóms Reykjavíkur um kröfu mannsins um flýtimeðferð kemur fram að hann stefni ráðuneytinu þar sem Fangelsismálastofnun heyri undir það.

Landsréttur hefur stytt töluvert gæsluvarðhald yfir Hannesi Valle Þorsteinssyni sem dæmdur var á dögunum í þriggja ára fangelsi fyrir kynferðisbrot gegn barni á leikskólanum Múlaborg þar sem hann starfaði.