Þremur leikjum er nýlokið í ensku úrvalsdeildinni.
Brentford tók á móti West Ham og vann frábæran sigur. Staðan í leikhléi var markalaus en snemma í þeim seinna kom Bryan Mbuemo Brentford yfir eftir undirbúning Ivan Toney. Það var svo Toney sjálfur sem innsiglaði 2-0 sigur heimamanna með skallamarki á 64. mínútu.
Brentford er í þrettánda sæti með 36 stig. West Ham er í sjötta sæti me 51 stig.
Burnley er komið í slæm mál eftir 2-0 tap gegn Norwich. Pierre Lees-Melou kom Norwich yfir með marki á 9. mínútu. Teemu Pukki tryggði svo sigurinn á 86. mínútu.
Burnley er í átjánda sæti, 4 stigum frá Everton sem er í síðasta örugga sætinu, Norwich er á botni deildarinnar.
Loks vann Leicester 2-1 sigur á Crystal Palace á heimavelli. Heimamenn skoruðu tvö mörk með stuttu millibili undir lok fyrri hálfleiks. Þau gerðu Ademola Lookman og Kiernan Dewsbury-Hall. Wilfried Zaha minnkaði muninn þegar hann fylgdi eftir eigin vítaspyrnu í seinni hálfleik en nær komst Palace ekki.
Leicester er í níunda sæti með 40 stig. Palace er sæti neðar með 3 stigum minna.
