Golfkappinn Tiger Woods lenti í alvarlegu bílslysi í gær í Los Angeles-borg í Bandaríkjunum. Hann er ekki alvarlega slasaður en fór í aðgerð í nótt en hann var með fjölmörg brot í fótunum. Hann var einn í bílnum þegar slysið átti sér stað. The Guardian greinir frá.
Ekki var um árekstur að ræða heldur keyrði Woods sjálfur út af. Hann keyrði á tré og bíllinn valt nokkra hringi áður en hann nam staðar um 50 metra frá veginum. Hann var með fulla rænu þegar sjúkraliðar komu á staðinn en hann gat ekki staðið í lappirnar sjálfur og því þurfti að hjálpa honum úr bifreiðinni. Ástæða slyssins liggur ekki fyrir. Sjúkraliðar segja hann vera heppinn að vera lifandi og að þeir segjast hafi séð mörg slys sem litu svipað út og þetta þar sem fólk komst ekki lífs af.
Barack Obama, fyrrum Bandaríkjaforseti, var meðal þeirra sem sendu Woods kveðjur á Twitter í gær. Einnig sendu stórstjörnur á borð við fyrrum boxarann Mike Tyson og körfuboltaleikmanninn Steph Curry batakveðjur.
Sending my prayers to @TigerWoods and his family tonight—here’s to a speedy recovery for the GOAT of golf. If we’ve learned anything over the years, it’s to never count Tiger out.
— Barack Obama (@BarackObama) February 24, 2021
Heal up quickly @TigerWoods! Praying for you and your family. God is in control always. Stay strong
— Stephen Curry (@StephenCurry30) February 23, 2021
Fight @tigerwoods like the champion you are for your kids and the world. Love and prayers
— Mike Tyson (@MikeTyson) February 23, 2021