Pör, sem tekst best upp í samböndum sínum, gera oft það sama fyrir hvort annað án þess að hika. CNBC segir að sex reglur geti átt sinn þátt í að stuðla að sátt og ef allir fylgi þeim, þá geti það aukið líkurnar á að fólk upplifi meiri hamingju en aðrir.
Verkefnunum er deilt eftir hæfileikum – ekki kyni – Í nútímasamböndum ber oft á mótsögnum: Reiknað er með að karlinn sjái fyrir fjölskyldunni en hann á samtímis að sjá um helminginn af húsverkunum, án þess að fá endilega viðurkenningu fyrir það. Til að forðast ójafnvægi í húsverkunum er mikilvægt að skipta þeim eftir hæfileikum, áhuga og markmiðum, ekki eftir hefðbundnum kynjahlutverkum.
Þau styðja starfsframa markmið hvors annars – Í ástarsambandi geta hlutverkin skipst á milli þess að vera „garðyrkjumaður“ og „rós“. Garðyrkjumaðurinn tryggir ró og stöðugleika á heimilinu þannig að rósin geta blómstrað á framabrautinni. Með því að styðja markmið hvors annars á meðvitaðan hátt, geta pör forðast leyndan biturleika sem getur komið upp þegar það er alltaf sami aðilinn sem verður að færa fórnir.
Reglulegir fjölskyldufundir – Eins og hjá fyrirtækjum geta vikulegir fundir verið afgerandi til að viðhalda heilbrigðu samstarfi. Komið ykkur saman um tíma til að fara saman yfir tímaáætlanir, fjárhagsleg markmið og ábyrgð. Það er hægt að fara yfir árið einu sinni á ári og um leið er hægt að ákveða sameiginleg markmið fyrir árið og endurnýja skuldbindinguna í sambandinu.
Búið til kerfi sem gera ykkur auðveldara fyrir við að ná árangri – Gott samband á ekki að vera háð sífelldri fyrirhöfn. Góð kerfi geta gert ykkur auðveldara fyrir við að taka rétta ákvörðun. Dæmi um þetta geta verið samningur um sjálfvirkan sparnað, að forðast öpp sem bjóða upp á skyndikaup.
Samtöl um hversdaginn – Skipulag varðandi fjármál og húsverk veitir svigrúm til nærveru. Að deila upplifunum hversdagsins án truflana, styrkir sambandið. Einföld aðferð er „rós, þyrni og toppur“. Rós er hápunktur dagsins, þyrni er áskorun og toppurinn er aðgerð sem styrkir framtíðina.
Standið við loforðin – Traust er hornsteinninn þegar kemur að fjármálum og praktískum verkefnum. Þegar ekki er staðið við samninga, getur það valdið pirringi og til langs tíma þróast yfir í fyrirlitningu. Að standa við loforð um fjármál, húsverk eða smærri verkefni á þátt í að viðhalda virðingu og samheldni.
Það er mikilvægt að muna að sterkt sambands snýst ekki um heppni. Það næst með því að hafa sameiginleg markmið, vera samkvæm sjálfu sér þegar kemur að því að gera hluti og vilji til að þroskast saman.
