Það fór örugglega ekki framhjá mörgum þegar upptaka úr „kossamyndavél“ hljómsveitarinnar Coldplay kom upp um framhjáhald Andy Byron, þáverandi forstjóra tölvufyrirtækisins Astronome, og Kristin Cabot, starfsmannastjóra fyrirtækisins.

Hulllive segir að þegar hljómsveitin spilaði í Hull á mánudaginn hafi söngvari hennar, Chris Martin, rætt um atvikið.

„Við höfum gert þetta lengi en það var ekki fyrr en nýlega sem þetta varð . . . já,“ sagði hann og bætti við: „Svo já, lífið færir manni sítrónur og maður neyðist til að búa til límonaði. Við höldum þessu áfram svo við getum hitt sum ykkar.“

Hljómsveitin er því ekki á þeim buxunum að hætta að nota kossamyndavélina þrátt fyrir hneykslið í júlí.