Dómsmálaráðuneyti Bandaríkjanna og alríkislögreglan FBI hafa gefið það út að ekkert bendi til þess að kynferðisbrota- og athafnamaðurinn Jeffrey Epstein hafi fjárkúgað valdamikla aðila, haldið sérstakan lista yfir skjólstæðinga eða verið ráðinn af dögum. Enginn vafi leiki á að Epstein hafi svipt sig lífi í fangelsi árið 2019.
Þessi yfirlýsing hefur heldur betur valdið fjaðrafoki í samfélögum samsæriskenninga, enda voru menn þar á bæ sannfærðir um að marga þekkta og valdamikla einstaklinga væri að finna á þessum meinta skjólstæðingalista og að þess vegna hafi Epstein verið ráðinn af dögum áður en hann gat gefið skýrslu fyrir dómstólum.
Yfirmaður FBI, Kash Patel, var áður meðal þeirra sem efuðust um að Epstein hefði framið sjálfsvíg, en nú virðist Patel hafa skipt um skoðnun. Eins hafði ríkissaksóknari Bandaríkjanna, Pam Bondi, haldið því fram fljótlega eftir að hún tók við embætti að hún hefði séð þennan alræmda lista. Bondi sagði í viðtali við Fox fréttastofuna í febrúar:
„Hann er á skrifborðinu mínu til yfirlestrar einmitt núna,“ og bætti Bondi svo við að Donald Trump forseti vildi að listinn yrði birtur opinberlega og að hún væri að meta hvort forsendur væru fyrir því.
Eins hélt Bondi því fram að til væru tugþúsunda myndskeiða með Epstein þar sem barnaníð kæmi við sögu. Þolendur næmu hundruðum. Þetta sagði Bondi síðast í maí, en mánuði síðar mætti Patel í hlaðvarp til Joe Rogan þar sem hann segði engar sannanir vera fyrir því að glæpir hefðu átt sér stað á einkaeyju Epsteins.
„Innihaldið er sjúkt. Tvö hundruð þolendur, 200. Í raun rúmlega 250,“ sagði Bondi í febrúar.
Margir hörðustu stuðningsmenn Trump, MAGA-liðara, hafa kallað eftir því að Epstein-skjölin verði birt í heild sinni, þá einkum þessi meinti listi. Þessir aðilar eru nú vægast sagt ráðvilltir og reiðir.
„Var hún [Bondi] að ljúga þá eða er hún að ljúga núna? Við eigum skilið svör,“ skrifar íhaldsaðgerðarsinninn Roby Starbuck á X. Leikarinn Russel Brand er líka tortrygginn: „Okkur var lofað skjólstæðingalista Epstein og farþegalistum [einkaþotu Epstein] – nú er okkur sagt að þetta sé ekki til. Átti MAGA ekki að vera skjaldborg gegn nákvæmlega þessari gerð af skjaldborg djúpríkisins?“
We were promised the Epstein client list and flight logs— now we’re being told they don’t even exist. Wasn’t MAGA supposed to be a bulwark against exactly this kind of deep state obfuscation?
Let me know your thoughts on how the Epstein case has been handled. pic.twitter.com/GQVbUNHSGP
— Russell Brand (@rustyrockets) July 7, 2025
Sjónvarpsmaðurinn Jesse Watters, segir að fyrrum leyniþjónustumaður haldi því fram að djúpríkið hafi líklega eytt Epstein-skjölunum.
🚨BREAKING: A Former CIA Officer has just come out and said the DEEP STATE “probably DESTROYED” the EPSTEIN FILES 🚨 pic.twitter.com/7eFeYT53qy
— Jesse Watters (@JesseBWatters) July 8, 2025
Þekkti samsæriskenningasmiðurinn Alex Jones sakar dómsmálaráðuneytið um að hylmingu.
„Dómsmálaráðuneytið er að hylma fyrir CIA og Mossad. ENGINN ER AÐ KAUPA ÞETTA. Næst mun ráðuneytið segja: Sko, í reynd var Jeffrey Epstein aldrei til. Þetta er ógeðfellt.“
MAGA-liðinn Philip Anderson, sem var áberandi í áhlaupinu á bandaríska þinghúsið í janúar 2021, er tortrygginn og segir Trump hafa svikið stuðningsmenn sína. „Donald Trump, arfleifð þín er við það að verða sú að vernda barnaníðinga og vera jafnvel af sumum talinn slíkur sjálfur. Þú ert að niðurlægja alla sem kusu þig með því að stöðva birtingu Epstein-skjalanna eftir að hafa lofað handtökum og öllum gögnum“
Donald Trump, your legacy is about to become protecting pedophiles and even being considered a pedophile to some.
You are humiliating every single person who voted for you by shutting down the release of the Epstein files after promising arrests and all the details.…
— Philip Anderson (@VoteHarrisOut) July 7, 2025
Fleiri MAGA-liðum er gróflega misboðið og saka stjórnvöld um hylmingu og lygar. Þingmaður Repúblikana, Eric Burlison, segir að ráðuneytið geti ekki bara birt yfirlýsingu sem þessa og sagt málinu lokið. „Algjört gagnsæi er ekki valkvætt og þetta dugar ekki.“
Og að sjálfsögðu eru fleiri samsæriskenningar farnar á flug.
What happened to the window on Epstein’s cell door? 🧐
It’s NOT the same door!
They think you are STUPID! pic.twitter.com/r4m49eLzDu
— Red Pill USA (@Red_Pill_US) July 7, 2025
1 MINUTE IS MISSING FROM EPSTEIN SECURITY FOOTAGE 💀 pic.twitter.com/2tXjxNIFHh
— Coffeezilla (@coffeebreak_YT) July 7, 2025
