Ítalskur áfrýjunardómstóll staðfesti nýlega ævilangan fangelsisdóm yfir pakistönskum foreldrum sem myrtu 18 ára dóttur sína eftir að hún neitaði að giftist manni sem þau vildu að hún giftist.

Lík Saman Abbas fannst á yfirgefnu sveitabýli, nærri ökrum þar sem faðir hennar starfaði, í nóvember 2022. Þá voru 18 mánuðir liðnir frá því að hún hvarf.

Áfrýjunardómstóllinn í Bologna komst að þeirri niðurstöðu að foreldrar hennar hefðu myrt hana með aðstoð fleiri ættingja.

Undirréttur hafði dæmt foreldra hennar, Shabbir Abbas og Nazia Shaheen, í ævilangt fangelsi en sýknaði tvo frændur hennar. Áfrýjunardómstóllinn sneri sýknudómnum yfir þeim við og dæmdi þá einnig í ævilangt fangelsi að sögn The Independent.

Danish Hasnain, frændi Saman, var dæmdur í 22 ára fangelsi fyrir aðild að morðinu en undirréttur hafði dæmt hann í 14 ára fangelsi.