Ein umræða hefur verið áberandi á síðum eins og Reddit og X að undanförnu en hún snýr að því hvort hundrað óvopnaðir karlmenn gætu ráðið við eina górillu.
Fjallagórillur, sem einnig kallast silfurbakar, eru býsna sterkar og er styrkur einnar górillu almennt talin vera á við 6 til 10 fullorðna menn. Þær eru sérstaklega sterkar í höndunum, enda vöðvarnir þróaðir fyrir klifur og að brjóta tré. Þá eru þær með gríðarlegan styrk í kjálkunum.
Tyson var spurður að því í samtali við IFLTV boxing hvað myndi gerast ef hundrað eintök af Mike Tyson myndu berjast við eina górillu. Ekki stóð á svörunum hjá heimsmeistaranum fyrrverandi sem sagði að górillan myndi aldrei eiga möguleika.
„20 myndu fara í einu, bíta, grípa í punginn og skaufann – það myndi ekki enda vel,“ sagði hann.
Tyson hefur reyndar áður lýst yfir áhuga á að berjast við górillu en þegar hann var á hátindi ferils síns reyndi hann að múta starfsmanni dýragarðs í New York til að hleypa honum inn í búr hjá górillu.
„Þegar við komum að górillubúrinu var þar einn silfurbakur sem var með eineltistilburði gegn öðrum górillum,“ sagði hann í viðtali við The Sun árið 2020. „Ég bauð starfsmanninum 10 þúsund dollara fyrir að opna búrið því mig langaði að berja þessa górillu á trýnið. En hann neitaði.“
Tyson sneri aftur í boxhringinn þegar hann mætti Jake Paul í nóvember síðastliðnum. Hann sýndi ágætis takta á köflum en varð að játa sig sigraðan á stigum.
