Tveir svefnsérfræðingar segir að það geti verið ýmsar ástæður fyrir að fólk vakni á nóttinni. Þeir segja jafnframt að fólk þurfi að vera sérstaklega á varðbergi varðandi eina tegund vakningar.
Bandaríski sálfræðingurinn Shelby Harris, meðhöndlar fólk, sem glímir við svefnvanda, og deilir af þekkingu sinni og reynslu á Instagram þar sem tugir þúsunda fylgja henni. Hún lýsti þremur þáttum sem gera að verkum að fólk vaknar á nóttinni. Þeir eru:
Að vera of lítið blóðsykurmagn.
Að vera stressuð/stressaður.
Að þjást af kæfisvefni.
Síðan er fjórða ástæðan sem er að vakna af náttúrulegum orsökum en það er eitthvað sem þarf ekki að hafa áhyggjur af.
„Svefnvandamál koma upp þegar maður vaknar upp á hverri nóttu, um langa hríð, sem hafa neikvæð áhrif á hversdagslífið,“ sagði Ali Amidi, sem stýrir Svefn- og dægurrytmasálfræðideild Árósaháskóla.
Hann sagði að það að vakna einu sinni á nóttu og vaka í fimm til fimmtán mínútur eigi ekki að vera áhyggjuefni. „Ef þetta endurtekur sig, þá venst líkaminn því að vera vakandi á nóttunni. Það hefur áhrif á svefngæðin og við taka langir dagar með bauga undir augunum,“ sagði hann.
Harris sagði til að koma í veg fyrir að blóðsykurinn sé í lægri endanum, sé hægt að fá sér smá bita áður en farið er í rúmið. Amidi er ekki hrifinn af þessu ráði hennar og sagði að þvert á móti eigi fólk að gæta sín á að borða ekki skömmu fyrir háttatíma því það setji líkamann í gang. Það viltu forðast ef þú vilt hætta að vakna á nóttunni.
Ef þú tekur stressið úr hinu daglega lífi með þér inn í svefnherbergið, þá getur þú byrjað að vakna á nóttunni. Þetta voru þau Amidi og Harris sammála um. Amidi benti einnig á að vakningarnar geti orðið að sjálfstæðu vandamáli sem hverfi ekki með stressi hversdagsins.
„Með tímanum verður þetta vandamál, því maður verður stressaður yfir að geta ekki sofnað,“ sagði hann.
Þau sögðu bæði mikilvægt að losa sig við stress og áhygjur áður en farið er í rúmið. Það sé hægt að gera með spennulosandi æfingum, hugleiðslu eða með því að skrifa hugsanir sínar niður.
