Ástralski fjölmiðillinn News.com.au greinir frá þessu en bæði Nigel og Marjan glímdu við krabbamein sem dró þau til dauða. Nigel var með ólæknandi heilaæxli, glioblastoma, en Marjan greindist með brjóstakrabbamein fyrir nokkrum árum.
Læknar töldu að meinið væri horfið, eða allt þar til Marjan fékk flog fyrir nokkrum vikum en þá kom í ljós að krabbameinið var komið upp í höfuð.
Hjónin voru búsett í Christchurch á Nýja-Sjálandi og skilja þau eftir sig dæturnar Oriana og Emily.
Söfnun hefur verið hrundið af stað fyrir systurnar sem ganga nú í gegnum mikla sorg. Hefur hún gengið vonum framar og hafa nú þegar safnast tæplega ellefu milljónir króna.