fbpx
Mánudagur 17.júní 2024
Pressan

Ísraelar brjálaðir: „Það verða afleiðingar“ – Segja hryðjuverk borga sig

Einar Þór Sigurðsson
Miðvikudaginn 22. maí 2024 07:55

Israel Katz er ómyrkur í máli eftir tíðindi morgunsins. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Ísraelsk yfirvöld eru allt annað en sátt við þá ákvörðun Noregs, Írlands og Spánar að viðurkenna Palestínu sem sjálfstætt ríki. Norsk stjórnvöld tilkynntu þetta á blaðamannafundi í morgun og munu Írland og Spánn fylgja á eftir.

Jonas Gahr Støre, forsætisráðherra Noregs, sagði að tveggja ríkja lausn væri sú eina í stöðunni sem uppi er fyrir botni Miðjarðarhafs. Bætti hann við að bæði Palestínumenn og Ísraelar ættu rétt á að lifa í friði hvort í sínu ríki. „Það verður enginn friður í Mið-Austurlöndum án tveggja ríkja lausnar og það verður engin tveggja ríkja lausn án Palestínu.“

Pedro Sanchez, forsætisráðherra Spánar, tók í svipaðan streng og sagði að margar ástæður lægju að baki ákvörðun Spánverja. Friður, réttlæti og stöðugleiki væru þó grundvallarástæður þess að Spánverjar munu viðurkenna sjálfstætt ríki Palestínu.

Óhætt er að segja að Ísraelar hafi brugðist ókvæða við þessum fregnum og segir Israel Katz, utanríkisráðherra landsins, að þetta sýni að hryðjuverk borgi sig.

„Þessi ákvörðun í dag sendir þessi skilaboð til Palestínumanna og heimsbyggðarinnar: hryðjuverk borga sig,“ sagði hann og vísaði í fjöldamorð Hamas-liða í Ísrael þann 7. október í fyrra. Ísraelsmenn réðust inn á Gaza-svæðið í kjölfarið og hafa tugir þúsunda óbreyttra borgara látið lífið í þeim átökum.

Ísraelsmenn tilkynntu i morgun að sendiherrar ríkisins í Noregi og Írlandi yrðu kallaðir heim vegna ákvörðunar ríkjanna. Gera má ráð fyrir að sendiherra landsins á Spáni verði einnig kallaður heim.

„Ég ætla að senda Írlandi og Noregi skýr skilaboð: Ísrael mun ekki beygja sig fyrir þeim sem grafa undan fullveldi landsins og setja öryggi þess í uppnám. Ísrael mun ekki taka þessu þegjandi og hljóðalaust – það verða alvarlegar afleiðingar.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Dularfullt andlát lögreglumanns vekur upp spurningar – Drap kærastan hann eða er lögreglan að hylma yfir með sínum eigin?

Dularfullt andlát lögreglumanns vekur upp spurningar – Drap kærastan hann eða er lögreglan að hylma yfir með sínum eigin?
Pressan
Fyrir 2 dögum

Sátu í makindum úti í garði þegar þau heyrðu mikil óhljóð – Heppin að ekki varð stórslys

Sátu í makindum úti í garði þegar þau heyrðu mikil óhljóð – Heppin að ekki varð stórslys
Pressan
Fyrir 3 dögum

Vanstilltur tölvupóstur Donald Trump vekur upp spurningar um geðheilsu hans – „Hann mun gera allt til að vinna kosningarnar“

Vanstilltur tölvupóstur Donald Trump vekur upp spurningar um geðheilsu hans – „Hann mun gera allt til að vinna kosningarnar“
Pressan
Fyrir 3 dögum

Tvö ung börn lifðu 96 klukkustunda dvöl í skógi af – Hundarnir hræddu úlfa á brott

Tvö ung börn lifðu 96 klukkustunda dvöl í skógi af – Hundarnir hræddu úlfa á brott
Pressan
Fyrir 4 dögum

Meiri upplýsingar um 12 ára morðingjann líta dagsins ljós – Sagður snarruglaður

Meiri upplýsingar um 12 ára morðingjann líta dagsins ljós – Sagður snarruglaður
Pressan
Fyrir 4 dögum

Drepinn í gærkvöldi

Drepinn í gærkvöldi