fbpx
Mánudagur 15.apríl 2024
Pressan

Það sem við vitum um samtökin alræmdu sem frömdu voðaverkið í Moskvu

Pressan
Mánudaginn 25. mars 2024 07:08

Ekki missa af Helstu tíðindum dagsins í pósthólfið þitt

Lesa nánar

Að minnsta kosti 137 eru látnir eftir hryðjuverkaárásina í Crocus City Hall í Mosvku á föstudagskvöld en um helgina var greint frá því að hryðjuverkasamtökin ISIS-K hefðu lýst ábyrgð á árásinni.

Í umfjöllun New York Times er ljósi varpað á samtökin en um er að ræða einskonar undirsamtök ISIS-hryðjuverkasamtakanna alræmdu sem lögðu undir sig stór landsvæði í Sýrlandi og Írak fyrir nokkrum árum.

ISIS-K, (e. Islamic State – Khorasan Province) hefur aðallega verið starfandi í Asíu á undanförnum árum, einkum Afganistan, þar sem markmiðið er að koma Talíbönum frá völdum.

Hreyfingunni hefur vaxið fiskur um hrygg á síðustu mánuðum og í síðustu viku var til dæmis greint frá því að tveir hefðu verið handteknir í Þýskalandi vegna gruns um að hafa ætlað að fremja hryðjuverk í Svíþjóð. Um var að ræða menn frá Afganistan með tengsl við ISIS-K og telur lögregla að þeir hafi ætlað að fremja skotárás við sænska þinghúsið.

Þá er bent á að daginn fyrir árásina í Moskvu hafi samtökin staðið fyrir sjálfsmorðssprengjuárás í Kandahar í Afganistan þar sem yfir 20 fórust.

Í umfjöllun New York Times er haft eftir sérfræðingum á þessu sviði að hugmynd samtakanna sé sú að veikja samskipti Talíbana við bandamenn sína og sýna fram á að yfirvöld í Afganistan geti illa tryggt öryggi fólks.

Í augum ISIS-K ganga Talíbanar ekki nógu langt þegar kemur að því að framfylgja ströngustu túlkunum sjaríalaga. Þeir séu í raun og veru of linir.

Leiðtogar samtakanna voru áður liðsmenn al-Qaida og Talíbana og urðu samtökin til á árunum 2014 til 2015 í Afganistan og Pakistan. Voru samtökin með þeim fyrstu til að lýsa yfir stuðningi við ISIS-hreyfinguna alræmdu.

Hafa samtökin fært út kvíarnar á síðustu árum og hafa það að markmiði að komast til áhrifa á hinu forna Khorasan-svæði sem nær meðal annars yfir svæði þar sem nú er hluti Írans, Túrkmenistans, Úsbekistans, Kirgistan, Tadsjikistan, Pakistan og Afganistan.

Fjórir menn eru í haldi rússnesku lögreglunnar vegna árásarinnar á föstudag og hafa þeir nú verið leiddir fyrir dóm og úrskurðaðir í gæsluvarðhald.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Dæmd í ævilangt fangelsi fyrir að myrða börnin sín

Dæmd í ævilangt fangelsi fyrir að myrða börnin sín
Pressan
Fyrir 2 dögum

Hafði setið í fangelsi í 21 ár – Sá endursýndan sjónvarpsþátt fyrir tilviljun og gat sannað sakleysi sitt

Hafði setið í fangelsi í 21 ár – Sá endursýndan sjónvarpsþátt fyrir tilviljun og gat sannað sakleysi sitt
Pressan
Fyrir 4 dögum

Vill ekki banna kynjaskipta sundkennslu og sundtíma

Vill ekki banna kynjaskipta sundkennslu og sundtíma
Pressan
Fyrir 4 dögum

Kona áreitti 13 ára dreng kynferðislega á almannafæri

Kona áreitti 13 ára dreng kynferðislega á almannafæri
Pressan
Fyrir 5 dögum

Setti upp falda myndavél til að sanna að konan væri „löt og einskis virði“ – Heimtaði skilnað og vorkunn en málið snerist í höndunum á henni

Setti upp falda myndavél til að sanna að konan væri „löt og einskis virði“ – Heimtaði skilnað og vorkunn en málið snerist í höndunum á henni
Pressan
Fyrir 5 dögum

Berfætt par í skeiðarstellingu hneykslaði flugfarþega

Berfætt par í skeiðarstellingu hneykslaði flugfarþega