fbpx
Mánudagur 22.apríl 2024
Pressan

Húsvörður í hjólastól bugaður eftir að sendill frá Amazon réðist á hann – Myndband

Pressan
Fimmtudaginn 22. febrúar 2024 17:30

Til harðra átaka kom á milli mannanna.

Ekki missa af Helstu tíðindum dagsins í pósthólfið þitt

Lesa nánar

Myndband sem sýnir húsvörð í fjölbýlishúsi í Notting Hill-hverfinu í London verða fyrir líkamsárás starfsmanns Amazon hefur vakið talsverða athygli í bresku pressunni.

Maðurinn sem um ræðir, Ramin Razzaghi, notast við hjólastól eftir vinnuslys en hann lenti í átökum við sendil Amazon-fyrirtækisins á dögunum þegar hinn síðarnefndi kom með pakka til íbúa í húsinu.

Mail Online ræddi við Razzaghi um atvikið og var hann gráti næst þegar hann lýsti atvikinu fyrir blaðamanni. Segist hann vera í andlegu áfalli og þar að auki með líkamlega áverka.

Forsaga málsins er sú að Razzaghi hefur áður lent í útistöðum við umræddan sendil þar sem hann hefur átt það til að skilja pakkana eftir í anddyri íbúðarhússins eða við lyftuna í stað þess að fara með pakkana til umræddra íbúa sem bíða eftir þeim.

Áður en til fyrrnefndra átaka kom hafði Razzaghi beðið sendilinn kurteisislega um að skilja pakkana ekki eftir í anddyrinu. Segir Razzaghi að sendillinn hafi tekið vel í það en síðan skutlað pökkunum á borðið og skilið þá eftir þar eins og hann er vanur að gera.

Razzaghi reyndi að stöðva sendilinn til að ræða við hann en sá brást ókvæða við. „Hann var mjög hrokafullur og kjaftfor,“ segir hann.

Eins og sést á meðfylgjandi myndbandi kom til harðra átaka og skiptust Razzaghi og sendillinn á höggum.

Átökin færðust síðan út fyrir húsið þar sem vegfarendur reyndu að skilja þá að. Razzaghi hélt í fætur sendilsins sem átti í stökustu vandræðum með að losa sig. Ætlaði Razzaghi að halda honum þar til lögregla kæmi á vettvang.

„Svo kom einhver aftan að mér og reyndi að toga mig í burtu. Ég hélt að viðkomandi ætlaði að hjálpa mér en svo byrjaði hann bara að berja mig þar sem ég lá í götunni,“ segir hann.

Atvikið varð þann 15. febrúar síðastliðinn og segist Razzaghi enn vera að jafna sig. „Ég er í tilfinningalegu, andlegu og líkamlegu uppnámi,“ segir húsvörðurinn sem slasaðist meðal annars á kjálka og á rifbeinum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Hrútur varð hjónum að bana – Nágrönnum mjög brugðið

Hrútur varð hjónum að bana – Nágrönnum mjög brugðið
Pressan
Fyrir 3 dögum

Ert með ofnæmi fyrir hundum? Þá gætirðu líka verið með lítt þekkt kynlífsofnæmi

Ert með ofnæmi fyrir hundum? Þá gætirðu líka verið með lítt þekkt kynlífsofnæmi
Pressan
Fyrir 3 dögum

Rúllaði Braga í bankann og vildi taka út pening – Óhugnanlegt atvik endaði með handtöku

Rúllaði Braga í bankann og vildi taka út pening – Óhugnanlegt atvik endaði með handtöku
Pressan
Fyrir 4 dögum

Leikfimiskennari sakaður um að taka nektarmyndir af yfir 100 stúlkum

Leikfimiskennari sakaður um að taka nektarmyndir af yfir 100 stúlkum